請工人真係請到我好驚,由上年10月炒咗個工人後,一路都自己頂硬上,到最後因為對手皮膚敏感太嚴重,唔請唔得。
新工人已經到咗我屋企幾日,暫時對佢都滿意。前日發生咗一件事令我感受到佢係真心對我嘅小朋友好。話說阿女房門的鎖忽然壞了,我用後備匙都開唔到。就喺我同老公講緊電話個陣,個工人聽到阿女被困,就撲出去房門口猛問囡囡有冇事,叫佢唔駛驚,佢拎個鏍絲批不停咁new門鎖。我個仔又怕阿妹驚拎咗副uno同阿妹隔住門玩,玩咗半個幾鐘要去洗手間。工人跟住走過去接力繼續同囡囡玩uno,想分散佢注意力。全程係佢自動波,我完全冇叫佢咁做。所以我真係好開心,終於搵到一個真心對小朋友好嘅工人。同埋佢哩幾日不停做,做到晚上十一點仲拎熨衫板出黎,嚇到我叫佢快啲瞓,留番明日再做。希望佢唔好三分鐘熱度啦,我真係請工人請到怕呀~~
我是以前的會員bullbull(哈哈...即係開朝原老),不過事隔太耐已經唔記得個密碼喇,唯有再新account啦~~