國家地區媽媽會 今日: 1 | 主題: 20235

積分: 8790

1^#

發表於 13-8-26 11:20 |只看該作者 |倒序瀏覽 |打印

背景：c6係美國公民，但畢業後為了我返左香港！c6之前係San Diego 讀書同住！但他說San Fran 較多華人我會易適應啲！我地仔仔而家歳半，c6想個仔5歲前全家返美國！
但美國而家揾工難嗎？我自問英文麻麻，係hk 做bank 去到美國可以做得啲咩？靠c6一個頂得順嗎？
唉！好擔心！尋晚傾完成晚瞓唔著

0 0 0

私人傳訊

lottieclee

大宅

積分: 4575

2^#

發表於 13-8-26 11:50 |只看該作者

引用：背景：c6係美國公民，但畢業後為了我返左香

原帖由 BrandonMa 於 13-08-26 發表
背景：c6係美國公民，但畢業後為了我返左香港！c6之前係San Diego 讀書同住！但他說San Fran 較多華人我會 ...

你不如叫佢試下搵工先，搵到先搬返來。咁你個心會定d。
我以前住Chicago,然後回流HK6年。兩年前搬返US。我同C6都係美國畢業做healthcare。我地無限自己嘅目的地。最後我先係LA附近的Orange County搵到工先。飛來final in 時順便finalize 個professional license同租屋。C6返來先搵，都搵咗3個月先搵到。

我有兩個小朋友，6歲同2歳。初時好辛苦，已有nanny都唔慣，後來炒咗nanny細嗰個返daycare。其實人人都係咁，冇話咁work out。但小朋友開心好多！我大仔在HK已經係讀international school。佢都話US is better than HK。more room to play。

私人傳訊

積分: 49420

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

3^#

發表於 13-8-27 16:59 |只看該作者

引用：背景：c6係美國公民，但畢業後為了我返左香

原帖由 BrandonMa 於 13-08-26 發表
背景：c6係美國公民，但畢業後為了我返左香港！c6之前係San Diego 讀書同住！但他說San Fran 較多華人我會 ...

SF 好方便，應該好易識應，呢度有幾個媽咪都住SF 或者附近地方架！

SF 好多銀行需要雙語既staff，我朋友college drop out 無經驗都做到teller，不過你預人工大約係最低工資：SF $10.55/hr, 其他 $8, San Jose $10

你願意做鬼佬公司，要求唔高既話，SF 都幾易搵工。我老公做酒店既，佢一搵就請佢喇！我都識人大學畢業搵左兩年工都搵唔到既，唔知點解！

唔洗太擔心呀，或者你地過黎旅行下，睇下鍾唔鍾意先？我以前都係做酒店，我可以介紹下觀光／住既地方。

私人傳訊

積分: 8790

4^#

發表於 13-8-27 19:19 |只看該作者

回覆：sfmeow 的帖子

謝謝您回覆我

我同c6有去過San Fran 旅行，不過只係短短3、4日。印象中比San Diego 多華人同多香港野（起碼有茶餐廳有奶茶）

我都唔敢妄想自己可以做返銀行喇，因為我啲英文真係

點都好，thx

私人傳訊

積分: 8790

5^#

發表於 13-8-27 19:22 |只看該作者

回覆：lottieclee 的帖子

謝謝您回覆我

希望自己可以好似你咁叻可以適應到！

私人傳訊

積分: 49420

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

6^#

發表於 13-8-27 19:51 |只看該作者

引用：謝謝您回覆我我同c6有去過San+Fran+旅行，

原帖由 BrandonMa 於 13-08-27 發表
謝謝您回覆我我同c6有去過San Fran 旅行，不過只係短短3、4日。印象中比San Diego 多華人同多香港野 ...

唔洗客氣，希望你唔好太恐懼面對新環境

係呀SF 幾多香港野，係大霧左少少，Millbrae 南灣就比較多太陽d，Oakland 東灣就比較治安差少少...

唔洗太擔心英文既，有adult school 、city college 免費英文班。好多酒店執房既中國人（廣東話）同墨西哥人都唔識英文架。再唔係做唐人超市收銀，點都有最低工資，唔怕既，唔洗太擔心。

私人傳訊

積分: 171650

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

7^#

發表於 13-8-29 03:27 |只看該作者

你喺香港做銀行Teller定其他職位？Teller都好大turnover rate，所以唔會太難搵，
三藩市亦有幾間華資銀行，要搵工未必如想像中難，如你可以接受唔係全職，
又或者要返星期六日的話，可以講係有機會，因為而家銀行都不斷請人，
特別係Teller位，一星期全職係40小時，有不少係學生或主婦做part time，
一星期最少做20小時就會有福利，不同行不同位置有不同需要，
但而家好多間大行都會請PT，一來慳錢，二來全職又要做全職都難求。
三藩市比其他灣區城市交通方便，搭巴士幾乎度度都到，
又多華人聚居，初初適應的話會易D，但我會建議唔好局限自己，
唔好驚講英文，呢度點都係英語國家，講得多就會好，唔講唔會進步，
三藩市好多不同種族聚居，英語講不好嘅大有人在。

花旗太太生活在花旗國，留意時差，你問我未必即時答到。

私人傳訊

積分: 8790

8^#

發表於 13-8-29 08:16 |只看該作者

回覆：rose-mag 的帖子

謝謝你呀

我係香港係做teller (而家都仲做緊）！其實我都明白有手有腳一定餓唔死，只係對全新環境太多野不確定令我不安！
因為結婚前覺得有排都未駛走，點知好似眨下眼個仔都歲半喇！
請問你知唔知我c6應該預幾多時間入表申請我過美國呀？佢話佢啲朋友以前好快，不過唔知而家有冇改！我地係美國註冊，申請時間會不同嗎？thx

私人傳訊

leungcj

複式洋房

積分: 159

9^#

發表於 14-7-14 20:03 |只看該作者

My daughter is 4 yrs old now, we would like to move to San Francisco in 2016 and apply the grade 1 for her! I would like to know more about the procedure about the registration, because we need to decide when should go there.
Any interview needed in public school? When should we apply application from? Apply one elementary school only? How can I define the school is suit my home address?
Please help me!!!!! Than k you

私人傳訊

積分: 171650

10^#

發表於 14-7-15 03:33 |只看該作者

本帖最後由 rose-mag 於 14-7-16 19:28 編輯

leungcj 發表於 14-7-14 04:03
My daughter is 4 yrs old now, we would like to move to San Francisco in 2016 and apply the grade 1 f ...

SF嘅申請學校程序係超級煩，比其他灣區城市煩，一般都係以住址決定派邊一間，但SF係攪珠，首要係你住喺SF，有SF住址証明，報名時會要帶兩樣住址証明文件，例如係水費單、電費單、汽車登記証連保險單。

報名一般由11月中至1月頭，每年school fair開始在場內派表，亦可去校區辦事處索取，填表要睇清楚細節，學校有不同課程的話要留意除咗學校編號之外仲有個課程編號，普通班、雙語中文、沉浸式中文、沉浸式西班牙文、日文、韓文都有，另中文亦有分廣東話同國語之分。除咗普通班之外，要報有第二種語言嘅都要經過考試，大概45分鐘，主要測試小朋友嘅英文及要報果種語言能力，除咗沉浸式課程外，所有雙語班都要求小朋友對第二種語言有一定認識及流利程度。

公校係唔需要面試，但學校歡迎家長去參觀，可以的話，去睇吓學校環境，睇下適唔適合小朋友，另外，如你係搭巴士帶小朋友返學就要實習下所需時間，搭咩車，邊度上落，落車後要行幾多個街口，預返時間。有D學校7:40am打鐘放1:40pm，大部份8:40am打鐘放2:40pm，有一小部份9點幾打鐘放3點幾，要問清楚有冇課前班課後班，如你會自己湊就冇問題，但若要返工的話，課後班課前班就好緊要，有家長因為搞唔掂報課後班要轉校。另外，見下校長老師都可以理解到學校嘅理念，多少睇到老師會點處理日後小朋友會有嘅問題，例如紀律、學習進度等。唔怕歧視講句，治安唔好嘅區或黑人拉丁矞多嘅學校紀律都會有較多問題，我仔以前有個同學派咗去一間黑人同拉丁矞較多嘅學校，第一個星期就俾人問候佢，叫佢做bxxxx，個小朋友都好tough，即時發難問鬧佢果個點解咁講，後來老師同家長介入，但個答案係無計，唯有小朋友自己遠離呢D麻煩小朋友，最後我仔同學家長幫個女轉校。

講返申請程序先，你到咗之後要即刻去攞Social Security Card(即工咭)同綠卡（應該係會寄俾你，你留意收唔到的話就要自己去搞），你同老公要攞加州身份証（同駕駛執照），你地幫小朋友報名時要有，先去校區辦事處去拎報名表，如你嚟到已經過咗報名截止日期無問題，你只係miss咗第一輪派位，係就係蝕底D，但仲有第二輪第三輪第四輪，即使已開學都可以插班。填表時可以填好多間學校都得，你填一間反而危險，除非你好肯定冇問題一定會入到，否則就填你自己滿意嘅，派到入去你都會俾仔女去讀嘅。

攪珠都有一定規定，有分幾樣優先tie breakers，第一個係sibling有兄弟姊妹同一個學期喺果度讀嘅，唔駛點睇，第一個收你，除非果年有太多人都符合條件，但好少機會會咁。第二個係喺學校同區讀政府Pre-K嘅學生，政府Pre-K一般都係要好低收入至申請到。第三個open enrollment，指由第二度插班去，唔包括K班。第四就係住區優先，如你住嘅區喺被評為Low Test Score Area的話，你會有優先，通常都係黑人區同SF東面及南面某D區域。第五就係會以住址派一間所謂Neighborhood School俾你，即係離你屋企最近嘅學校俾你，但你唔一定要報果間，但報的話被派入去嘅機會會高D，唔代表一定入到。因為好嘅學校會好多人報，而sibling優先加埋以上咁多優先，去到呢個tie breaker學位已經可能所剩無幾。

好多家長都會試圖去玩個game，睇下點樣策略性去報，其實我覺得最重要係自己首要去睇下學校，feel下係唔係適合自己小朋友嘅，另外交通時間係唔係就得到，幾好學校都冇用，如果要兩個小時至返到學，晨咁早起身，黑晒至返到屋企，小朋友家長都攰啦，都未計有時學校有活動，大家都參與唔到。唔好淨係人話好就去報，好多人所謂好都係聽返嚟，而家幾年變一次，以前好唔代表而家好，何況都好睇老師校長，好似我仔女學校咁，嚟緊呢一個學期有新校長到，以後係好係差都未知。

你可以上SF校區個網睇下，唔明可以隨時再問，真係好複雜下，當年我都花咗唔少時間。http://www.sfusd.edu/en/enroll-in-sfusd-schools/getting-started.html

另外我地有另一個帖"每事問--美國知多啲〈取代移民監〉"，裡面都有好多資料，我有同其他JM解釋過SF個派位制度同學校有關細節，但真係唔記得邊一頁，你可以有時間慢慢睇，相信會有嘢幫到你。http://www.baby-kingdom.com/forum.php?mod=viewthread&tid=3396953&extra=page%3D9

花旗太太生活在花旗國，留意時差，你問我未必即時答到。

私人傳訊

積分: 49420

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

11^#

發表於 14-7-15 09:32 |只看該作者

引用：謝謝你呀我係香港係做teller+(而家都仲做緊

原帖由 BrandonMa 於 13-08-29 發表
謝謝你呀我係香港係做teller (而家都仲做緊）！其實我都明白有手有腳一定餓唔死，只係對全新環境太多 ...

聽講要申請一年多d 時間，你過左黎SF 未呀？

私人傳訊

積分: 49420

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

12^#

發表於 14-7-15 09:38 |只看該作者

回覆：rose-mag 的帖子

SF 縣個感覺同香港攪珠、叩門類似，嚇到我搬走左。

私人傳訊

積分: 171650

13^#

發表於 14-7-15 13:47 |只看該作者

sfmeow 發表於 14-7-14 17:38
SF 縣個感覺同香港攪珠、叩門類似，嚇到我搬走左。

邊有香港咁誇呢，公立學校其實都係填完表等派位，派唔啱心水再上訴，有幾輪派位，唔駛續間去叩門，
比香港已經算簡單架啦。SF校區吃香在有雙語同沉浸式中文讀。

花旗太太生活在花旗國，留意時差，你問我未必即時答到。

私人傳訊

積分: 49420

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

14^#

發表於 14-7-15 14:07 |只看該作者

引用：Quote:sfmeow+發表於+14-7-14+17:38+SF+縣

原帖由 rose-mag 於 14-07-15 發表
邊有香港咁誇呢，公立學校其實都係填完表等派位，派唔啱心水再上訴，有幾輪派位，唔駛續間去叩門，
比香港 ...

唔駛叩門又幾好喎！我d 親戚以前都係讀雙語，佢地初初由香港過黎個陣易溶入d。

私人傳訊

shan6233

積分: 5753

環保接龍勳章

15^#

發表於 14-7-15 16:08 |只看該作者

回覆：San Francisco 難揾工嗎？

I\'m in LA....;(
我以前住san Diego 搵工仲易

私人傳訊

積分: 8790

16^#

發表於 14-7-16 18:01 |只看該作者

引用：Quote:原帖由+BrandonMa+於+13-08-29+發表

原帖由 sfmeow 於 14-07-15 發表
聽講要申請一年多d 時間，你過左黎SF 未呀？

你好呀

謝謝你記得我！
因為屋企有啲事，我上個月先剛剛入紙，預計下年應該批到，希望到時一切順利！

私人傳訊

積分: 8790

17^#

發表於 14-7-16 20:31 |只看該作者

引用：Quote:leungcj+發表於+14-7-14+04:03+My+da

原帖由 rose-mag 於 14-07-15 發表
SF嘅申請學校程序係超級煩，比其他灣區城市煩，一般都係以住址決定派邊一間，但SF係攪珠，首要係你住喺SF， ...

你好！請問可否講下有關報幼稚園既程序或資料？

私人傳訊

積分: 171650

18^#

發表於 14-7-17 11:42 |只看該作者

BrandonMa 發表於 14-7-16 04:31
你好！請問可否講下有關報幼稚園既程序或資料？

你小朋友幾多歲？呢邊小學係由Kindergarten開始，入讀果年9月1日足5歲的話就合資格入讀K班，6歲就讀1年級，如此類推，普遍小學elementary school都係由K至5年級，中學middle school係6至8年級，高中high school就係9至12年級，之後就係入大學，大學都有分讀兩年或四年，我小朋友仲係小學，我所知暫時只到中學階段，不過都有不少朋友仔女已上高中或大學。

公校K就如我上一個回覆所講程序申請就得。私校就間間不同，你要續間去申請填表，多數會有面試及評估，有D巴閉嘅會有家長interview，playdate（有D有group同individual兩種），assignment等等，聽過最誇係家長連學生有7個tasks，私校一般要求家長有volunteer hours時間，每年由30至40小時不等，多數係幫手搞活動，例如開放日義工、球隊幫手等。每年必有籌款活動，家長捐款有多有少，不過通常家長都唔會俾得太少，以免小朋友被比較。而家公校都有籌款活動，比起私校都唔輸蝕，聽過有學校一年等到五十幾萬，你冇睇錯，係US$500,000，但一樣有好少嘅，我仔女學校每年都係得大概US$20,000，因為學校家長有一半係屬於勞工類或低收入家庭，每年捐一兩百已唔算少，當然學校提供嘅活動相對會少好多，但唔代表多就一定好，只係選擇較多。

花旗太太生活在花旗國，留意時差，你問我未必即時答到。

私人傳訊

leungcj

複式洋房

積分: 159

19^#

發表於 14-7-18 11:35 |只看該作者

回覆 rose-mag 的帖子

好多謝你的回覆,非常詳細,真係好感激你。依家上網睇緊一些樓盤,我八月將會去三藩市三個星期,到時亦會睇樓睇學校,住的方面,當然想選擇一些好學區,我哋係諗住讀public, 暫時只知millbrae同Cupertino, 其實仲有冇其他好選擇嘅區呢? 我諗大家香港人,其實大致都係想要同一類學校，黑人區暫時都唔會入考慮之列。
我有個舅父住Santa Clara,不過佢地子女已經大晒,所以唔係好清楚仲有邊一區比較好。

我老公以前係住LA, 不過我比較喜歡三藩市,因為多啲唐人。我自己係一名護士,將會考美國nursing exam,不過去到頭幾年應該都唔會做嘢。

仲有green card問題 ,我先生係有綠卡,將會考公民。但是我同囡係未申請移民,有律師教我哋可以先過去美國,再入紙申請移民, 唔知有冇人試過用呢種方法呢?

希望好快可以見到你地！

私人傳訊