吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 傷心到癲....幾時先可以企返起身? (Update! 真係有小三! ...

夫婦情感今日: 2|主題: 42442

收藏本版

發帖

返回列表

跳至頁

查看: 8741 | 回覆: 103

傷心到癲....幾時先可以企返起身? (Update! 真係有小三!) [複製鏈接]

12 3 4 5...6

Babebabeyo

大宅

積分: 2565

1^#

發表於 13-9-11 16:21 |只看該作者 |倒序瀏覽 |打印

本帖最後由 Babebabeyo 於 13-10-3 10:01 編輯

03/10/13 update!

劇情峰迴路轉, 當我試著觀察佢是否能再次一齊, 而我又努力的維繫著時, 我發現他有小三.....其實佢唔知算唔算係小三, 呢個小三係有家室的...(都唔知佢係小三定我EX係小三).....佢承認鍾意佢。我話佢, 你竟然為一段冇結果既感情放棄4年感情? 定係你想人地為你放棄頭家再幫佢咩起頭家呢? 個女係有錯, 但點解你要去破壞人地家庭幸福呢? 我深信, 你係去破壞人地感情, 係有報應, 若然未報, 真係時辰未到咋....
不過佢有咩報應都好, 唔關我事了....個天唔知點解係都要我離開佢咁, 一直都唔俾我再返去...
現在的我只想傷口快快復原, 唔想再提唔起心機, 唔想再食唔落訓唔安了~

____________________________________

終於忍唔住, 傷心到要向到開post發洩...希望大家唔好介意俾我向到講晒所有野出黎。

跟他拍左接近4年拖, 一直相處得很好, 我好珍惜, 我們甚至從沒有吵架.....
剛剛一齊個陣, 他已經表明某啲原因既關係, 我要等他幾年才可以和我計劃結婚。
最初我都冇諗太多, 畢竟個時先剛剛一齊, 到過幾年才算吧! 兩年幾三年時, 我都估唔到可以行到
呢個位置, 相處都幾好丫, 應該可以結啦, 又差唔多到佢要我等佢既日子, 我成日諗, 太好喇,
我等到喇! 就向呢個時候, 佢同我講因為某啲原因結婚呢樣野要慢慢進行............
我失望極了..........好傷心。結唔結住唔係重點, 重點係佢冇守到諾言。
最後我決定俾多次機會佢, 雖然我好失望, 咪慢慢黎囉。經過呢件事佢都知道我對佢係不離不棄的。
呢件事之後, 感情的確係好左, 但原來我既付出並唔能夠感動佢到最後。

上個月開始, 我覺得佢對我淡左, 女人感覺係好準。我坦白問佢, 佢當然話冇。
後來問多兩問, 我覺得與其不停問佢, 不如做好自己, 每段感情都有高低, 我咪做主動撻番著段感情囉。
點知都未黎得切補救, 佢就提出分開。佢話我好好, 只係佢淡左, 或者係佢未玩夠, 唔想浪費大家時間。
仲話一直以黎佢都抑壓緊自己, 原來好多事佢都放左向心冇話我知。
我晴天霹靂, 接受唔到...差不多四年既感情先同我講未玩夠? 4年都唔同我好好溝通?
我知佢都好傷心....冷靜左一日我同佢講, 每段感情總有高低, 有濃有淡既時候,
我都坦白同佢講我知自己有問題, 但你唔講我真係唔知, 溝通好重要........
佢最後叫我俾啲時間佢諗下, 話當初唔應該咁易放棄呢段感情。過左幾日, 我訓唔到, 因為覺得段感情
死得好不明不白, 有第三者起碼講我知丫。我已經好多日因為咁訓唔到! 的起心肝打去問清楚佢!!
點知一講電話就知大家都好唔捨得, 佢仲叫我俾多次機會佢, 過左幾日我地就一齊番。一齊番後, 大家都
協議好要好好溝通, 有咩都要講出黎, 而我都決定好好同佢相處。

唔知係佢已經淡左定係因為分開過? 我總係覺得佢古古怪怪咁, 好似已經唔同以前..愛係要培養既,
所以我都同佢提出搵啲野做下增進感情, 佢都同意。但最後, 我冇諗過都未黎得切做呢啲野,
佢又話同我感覺越黎越遠要自己冷靜下, 好好諗清楚仲想唔想一齊.....
我又傷多次......佢都未俾過機會去補救就單方面終止..........我好傷心....
過左幾日, 佢搵我, 佢話想搵番愛我既感覺, 我好傷心, 你又唔見我又唔聯絡, 點搵呀?
究竟你想點??
後來佢有提出過俾多次機會大家, 但轉個頭又話唔ok...又對我冷冷淡淡咁...拖左好耐。
我一時俾佢拉上天堂, 但下一刻佢又拉我番地獄...........我好攰..........
其實我知佢已經唔愛我..如果係愛我係珍惜我根本唔會咁......
而佢自己都好似唔知自己做緊乜想要乜咁.................
既然係咁...為左自己, 我揀左親口同佢講唔好再拖拉。
電話中大家都有唔捨得, 但佢都講明好多野返唔到轉頭。

好痛好痛......究竟段感情點解會咁, 冇第三者(我所知冇), 感情轉淡???
點解佢會咁快冇左呢個補救既心? 我覺得自己揀錯人...剛開始冇耐就感覺到佢未定性,
點解唔走? 要拖到宜家咁多年先搞成咁.....
我向條街到行行下會喊, 做做下野會喊, 食飯會喊。好怕自己一個, 咁多年既習慣要重新習慣番。
我真係好辛苦! 好多事實我都明, 我明佢唔係可以付託終身既人, 我明再係咁只係浪費時間,
但, 我心真係好痛.............................
我好掛住佢, 點解佢可以放得低我?

對唔住, 我知好長, 只希望得到你們既竟見同安慰, 謝謝。

0 1 1

私人傳訊

Babebabeyo

大宅

積分: 2565

2^#

發表於 13-9-11 16:33 |只看該作者

估唔到打完出黎真係舒服左。

一直以黎我都好愛佢, 愛佢多過愛自己, 咁多年都成日圍住佢黎轉, 付出左好多。到宜家先知愛一個人唔應該
咁訓身, 而係應該先愛自己, 要有自己既生活, 要人愛你先要自己愛自己, 同埋要清楚自己想要乜, 唔應該為左一個人去屈就。我諗個天都係想我學好呢樣野, 所以佢不斷俾我學習, 我終於好好咁上左一課, 但同時都好hurt, 好痛。始終咁多年, 太多回憶太多關連, 都唔知要去到何年何月我先放得低...

私人傳訊

rachelin7782

大宅

積分: 2101

3^#

發表於 13-9-11 17:12 |只看該作者

回覆：Babebabeyo 的帖子

同我之前的ex 的情況一樣，拍拖4年，沒有第三者之下佢決定分開，我簡直跌了入谷底，以為自己一定不能放低他，反之ex半年之後為小事間唔中找我，但我...選擇不回應了。事隔一年了，心裡沒有ex，反而是另一個人，不過是一個玩家。。。

私人傳訊

jump.jump

伯爵府

積分: 19784

4^#

發表於 13-9-11 17:18 |只看該作者

就咁睇，我唔認為你呢段係一段健康既感情

會開花結果既感情需要好多要素，其中部分係：雙方都珍惜並重視對方既感受，大家係以「WE，我們」既角度去出發考慮人生既重大決定，你既伴侶似乎並非如此，4 年唔係短時間，你要好好為自己諗下

優悠在澳洲

私人傳訊

wwgls

別墅

積分: 648

5^#

發表於 13-9-11 17:20 |只看該作者

回覆：傷心到癲....幾時先可以企返起身

jm, 給你一個擁抱....

私人傳訊

areekong

別墅

積分: 605

6^#

發表於 13-9-11 17:22 |只看該作者

私人傳訊

Magan28

大宅

積分: 4881

7^#

發表於 13-9-11 17:27 |只看該作者

引用：終於忍唔住,+傷心到要向到開post發洩...希

原帖由 Babebabeyo 於 13-09-11 發表
終於忍唔住, 傷心到要向到開post發洩...希望大家唔好介意俾我向到講晒所有野出黎。

跟他拍左接近4年拖, 一 ...

他的行為，好明顯有小三啦…… 他當時應該在左諗又度……簡簡吓，即和她一起就卦住妳，和妳一起便掛住她！妳或許單純了，才被騙到？！！

私人傳訊

晴彤

複式洋房

積分: 300

8^#

發表於 13-9-11 17:33 |只看該作者

也給你一個擁抱~！很能感受到你的痛~
痛快地哭一場吧,明白你有好多不甘心的，付出了這麼多,得到的卻是今天的結局。
哭過痛過後要為自己加油！要更愛自己~!!

祝福你！

私人傳訊

jelly-pig

別墅

積分: 644

9^#

發表於 13-9-11 17:38 |只看該作者

Babebabeyo 發表於 13-9-11 16:21
終於忍唔住, 傷心到要向到開post發洩...希望大家唔好介意俾我向到講晒所有野出黎。

跟他拍左接近4年拖, 一 ...

曾經有一段情, 我與他拍拖兩年多時, 有一天, 他對我說他的朋友很傻, 咁快諗結婚。他的朋友與他同齡, 同是25歲, 個人認為25歲應該要計劃下啦。於是, 我問他: 咁你呢, 你有諗過幾多歲結婚? 他答: 我無諗過要結婚。

就係因為呢句話, 我立即向他說分手, 但一滴眼淚也沒有流過, 因為一點也不值得。我覺得他在浪費我的時間, 竟說沒想過結婚, 我接受不了。

以往, 他的媽媽經常叫我到他們家吃飯的, 她很疼我, 對我很好, 又經常買東西給我。過了一段時間, 她的媽媽奇怪我不上去, 他才向他媽媽說明分手一事及原因。

事後, 他的媽媽及其本人也搵過我, 他的媽媽向我說她的兒子一定會結婚, 不能不結, 希望我繼續與她的兒子一起; 他本人亦表示會結婚, 叫我給他機會。可是, 我一一拒絶了.......因為, 我不想他勉強與我結婚, 我不想有一日吵起交來時說到他不想結婚, 因為他的媽媽才與我結婚。

我想說......你不要哭了, 你應該開心才對, 因為你得到解脫。如果他結婚後才對你說他不想結婚, 只是基於責任或交代才與你結婚的話, 你會更痛苦。

所以, 不要再哭了, 不值得呀!

點評

lucy_sze

發表於 13-12-14 02:45

cn580089

發表於 13-12-9 16:20

發表於 13-12-9 10:40

ELINGLING

發表於 13-10-3 13:56

tracytang

發表於 13-9-16 14:19

wcpcelia thx for sharing 發表於 13-9-11 20:44

私人傳訊

emma200978

大宅

積分: 4430

10^#

發表於 13-9-11 17:42 |只看該作者

回覆 Babebabeyo 的帖子

豬妹,傷心完之後就要好好地生活~
只不過係一個習慣姐,慢慢又會習慣返架啦,
你應該咁O念,好彩你未同呢D人結婚,
如果結咗,佢咪都有一日會同你講:不如離婚啦,我仲未玩夠!"
如果係咁,咁咪仲死~~
呢個世界真係冇話邊個無咗邊個會死的,
加油啦..個個人失戀嘅時候都係好痛架啦..

我很幸福,因為有你!

私人傳訊

guangdong

大宅

積分: 1388

11^#

發表於 13-9-11 17:42 |只看該作者

我覺得個男既係有D問題, 有機會係有第三者.

ANYWAY, 係愛情路上, 好多人都經歷過, 跌過痛過, 包括我自己. 我相信時間可以沖淡一切, 我係過來人, 你而家會覺得好痛, 但過一段時間, 你會好返. 要振作呀!! 遲D望返轉頭, 只會覺得自己都天真過.

私人傳訊

mini1204

翡翠宮

積分: 79224

12^#

發表於 13-9-11 17:44 |只看該作者

im so sorry babe...a big hug for you!!

不過:
1. 我覺得佢有第2個
2. 一段健康既感情; 雙方既投入應該不相伯重, 唔會好似你呢段咁樣, 完全失左平衡. 男人好賤架, 你比佢知道你對佢1000%好, 佢地就唔會對你好. 你愛你自己多D, 唔係叫你做戲, 係真心地愛自己多D, 當佢地死既. 佢地就死狗係你後面跟.

點都好啦, 唔好再比佢拖拖拉拉, 男人憂悠寡斷, 害死人. 你拿拿聲走好過, 從新做人. 唔係佢返轉頭, 拖你3/5/7年先分手你仲大鑊.

私人傳訊

Babebabeyo

大宅

積分: 2565

13^#

發表於 13-9-11 17:54 |只看該作者

回覆 rachelin7782 的帖子

傻妹, 玩家就唔好理佢喇~~ 有時好衰既, 唔知點解越係衰既越係會諗住佢, 但有時唔可以俾自己咁感性, 理性啲! 你會好快遇到個認真的!!

我都想一年後, 或者再早啲可以放低ex!

私人傳訊

jacompany

男爵府

積分: 8063

14^#

發表於 13-9-11 17:59 |只看該作者

回覆：傷心到癲....幾時先可以企返起身

唔值得因為一個唔再愛你既人流淚，the best is yet to come！

私人傳訊

Babebabeyo

大宅

積分: 2565

15^#

發表於 13-9-11 18:00 |只看該作者

回覆 jump.jump 的帖子

你講得好好, 一矢中的。佢就係冇呢個concept! 乜都係自己行先, 一句講晒, 自私。

無錯, 4年唔係短時間, 但我知我做既決定係正確的! 呢個人, 其實我一早知佢唔係我要搵同可以付託終生既人,因為佢全部野做既都係諗自己先, 將我放向好後好後既位置。

你呢番話, 點醒左我。多謝你!

私人傳訊