今次去日本其中的一項當然買H啦!第一日去咗三間,乜都無,只買了個scarf 扣,跟住問我相熟的SA今次會唔會有機會買到b or k, 佢叫我後日再揾佢,因為佢明天放假。第二日因落雨關係而我住在新宿,只去咗新宿两間,又係百無,問其中一個相熟SA, 佢話我臨走前都應該難啲有b and k or lindy, 連我老公見到都話咁少貨。
然後拎住三個袋去揾我相熟嘅 SA, 我叫我老公揾個地方坐坐,因我唔想個 SA 見我有H 袋, 裡面可能有b and k, (對唔住老公),然後我一個人去揾佢!佢見到我就問我有無買過 b or k, 我話無,佢就叫我等陣,跟手拎咗個k28 出黎。嘩,超開心,佢真係留俾我,仲記得我上個月同佢講我要28, 即刻話要啦!佢又再次同我講半年内只可買一個 b or k, 如果我買過佢就唔俾得我,我冧真係開始有限制, btw, 因我無,所以最後買咗!
攞住個手袋揾我老公,佢都好surprise, 個 SA竟然守信用!咁嗰日就買咗四個袋啦!
今日去池袋行街,入去問吓有無b or k, (已經放棄新宿兩間),無 b or k, 跟住買咗一條手鍊同頸鍊,個SA話有個細 toolbox, 粉紅色,我就話睇睇。個細 toolbox 真係好可愛,不過個顏色同我昨天買嘅lindy 差唔多顏色,最後都無要。好彩無要,老公見我咁,竟然主動話明天用兩個鐘陪我去揾b, 費事我下個月話要揾b 又飛去日本,唔知明天的兩小時有無運行呢!祝我好運!