蛋 3隻 –荷蘭蛋蛋味重D,中蛋就夠。
糖 60 g-細沙糖、糖霜、原蔗糖都試過,細沙糖做個效果最好。
麵粉 45 g -低筋粉。
粟粉 15 g-煮鎹用開果隻
溶牛油 30g-用菜油都得,份量一樣。記得用無盬牛油!
準備:
預熱焗爐 170度上下火
蛋由雪櫃取出浸十分鐘暖水浴,做個SPA先!
攞兩個盤,一大一細
大盤係打蛋用
細盤係裝滾水用
海綿三步曲:量糖、籂粉、溶牛油
時間.....過了十分鐘
開工:
攞打蛋器......搵緊兩支打蛋棒(好多時將要開工就唔知擺左係邊,下次唔好收得太埋喇)
倒滾水落個細盤,水既温度約六七十度喇!(有次狼死用大開水,結果煲熟D蛋液)
把個大盤放在細盤上,可以落蛋及糖 (每次打蛋用一隻碗分開左再落盤,好多時有壞蛋搞破壞就慘慘)
開始打蛋......打蛋器無反應既!(未插電囉)
-全速兩三分鐘,不停轉動(係轉個盤,唔係轉人轉手)
-用隻手指檢査蛋液溫度,微溫繼續打
-打夠兩三分鐘轉中速,繼續打
-又用隻手指檢査蛋液溫度,暖暖地就拎起個水盤繼續打
-不停轉動、不停轉動、不停轉動。
-繼續打、繼續打、繼續打。
-時間滴滴搭搭過了八九分鐘
-杰身左好多,出現蛋紋
-試一下抽起打蛋器,見到有個小尖峰形狀就轉慢速打多一陣
-拎已籂好既粉,分三次再用籂加入打發好的蛋液
-用手動打蛋器輕輕力慢慢轉動撈均 (小心大力會消氣呀!)
-拎已溶牛油出來
-取小許麵糊加入牛油撈均
-牛油麵糊放入麵糊用膠刮撈均(用fold in手法)
落盤:
拎起個麵糊盤約十吋高倒入蛋糕模
一路倒一路用膠刮推下去
七分滿就夠
將焗盤連蛋糕拎起小許向下撜,快速做兩三次。
用唧唧壺灑小小水係蛋糕表面就入爐
焗20-25分鐘
到20分鐘用竹籤插入,取出係無麵糊痴住就熟透。
取出即時倒叩落放涼架
完成!
慘!籂粉器壯烈犧牲!