興趣嗜好 今日: 1 | 主題: 123781

積分: 5644

103^#

發表於 13-11-29 10:43 |只看該作者

我都講一個我朋友老婆(A)出差大陸住酒店發生嘅02事件, 有D長...

A有次同同事去大陸出差, 地點唔記得, 不過佢話間酒店都幾新吓...

當時佢同同事係打對面房住, 咁嗰日check in 都已經晏, 食完晚飯就各自返房休息...

先講吓間房嘅佈置。其實都係typical嘅酒店房: 一入門係一條短走廊, 走廊左面係廁所, 右面係衣櫃, 再入就係張床, 床對面有個電視櫃, 電視係舊式嘅大牛龜 (即係電視頂有個闊度可以放嘢嗰隻款)。同埋酒店好好, 預備咗一盤welcome fruit 俾A, 係一盤甜桔嚟嘅。

咁A一返房就執執自己D行李諗住沖涼休息。佢出差有D習慣, 就係: (1) 唔會著酒店嘅拖鞋所以唔會攞出嚟, (2) 只會攞第二日要著嘅衣物出嚟, 其餘都會放好喺喼內, (3) 一定要拉埋晒房嘅窗簾至瞓到。

咁佢如常沖完涼就上床, 諗住一邊睇陣電視, 一邊品嚐酒店送俾佢嘅生果, 佢就將盤生果放咗喺床邊。但係實在太攰, 佢剩係睇咗陣電視, D桔冇食過就熄電視熄燈瞓覺。

一夜都無事發生, 直至佢俾由窗透入嚟光線瞪醒。呢一刻其實佢有D奇怪, 因為佢明明臨瞓前拉埋晒D窗簾, 點解會有光漏入嚟? 咁佢都無理咁多, 反正都醒咗, 咁就不如起身啦。但當佢一起身, 就俾前面嘅景像嚇咗一大跳: 佢見到全間房淩亂不堪, 通地都係佢行李、手袋裡面嘅物件, 情況就好似俾賊入屋搜掠完一樣。最吊跪嘅係, 就連佢sip喺銀包暗格D紙仔都抄埋出嚟, 散落一地...

佢呢一刻第一個反應就係: 有賊入房! 咁佢諗住拿拿林著返件衫, 落酒店大堂報警。就喺呢個時候, 佢望到塊窗簾。佢知點解佢俾光瞪醒, 原來係掛窗簾嘅勾有一半從窗簾軌度甩咗出嚟。屋企有裝窗簾嘅人都知, 如果唔係有人用手一隻一隻咁將D勾拆落嚟, 其實D勾係好難自己會甩出嚟。其實佢依一刻都開始知知哋發生咩事, 但佢仍然同自己講: 係個賊唔小心將D勾整甩...

直至到佢望到大牛龜電視上嘅嘢, 佢就好肯定唔係賊, 而係阿飄搞佢! 佢見到尋晚放佢床頭無食過嘅嗰盤桔, 依家係放咗喺個電視機上面; 而D桔, 仲要係品字型一個塔咁砌好咗!!!

到呢度佢真係嚇到三魂唔見七魄, 衫到唔換鞋都唔著就奪門而出, 勁拍佢對面房同事個門。佢同事瞓到矇矇矓矓嚟開門, 問佢咩事, A氣都回唔切, 叫同事自己入佢房睇, 順便幫佢攞返個手提電話出嚟, 而佢就坐喺同事房張床, 打開度門睇住佢同事行入自己房。

就喺呢一刻, 佢見到佢房走廊上, 放咗一對酒店嘅拖鞋, 而鞋頭係對住個衣櫃...

(完)

點評

mlychim 我有時都要出差的, 真係好驚驚喎

發表於 14-2-27 16:31

sweetieyuki 有無唔見野呀？定淨係摷亂左咋？發表於 14-2-11 03:41

私人傳訊

baby_chu

珍珠宮

積分: 48082

2018母親節勳章 2018復活節勳章開心吸收勳章畀面勳章 hashtag影視迷勳章

104^#

發表於 13-11-29 10:57 |只看該作者

回覆：返工無野做..不如講鬼故

嗯⋯⋯ 上次無時間，今日分享多一個⋯⋯

我出世後，父母帶我出院返屋企，本來路程一直都無喊，但⋯⋯ 爸爸抱住我一踏入屋就喊，點都唔收聲，但一行出走廊就收晒！如事者行左好多次都係咁！於是我爸爸入屋就對空氣講「哩個係你地細妹唻架，可唔可以唔好蝦佢呀？唔係爸爸媽媽唔想要你地架，我地都想你地無事活下來，但醫唔到都無辦法，你地可以一齊對細妹好嗎？」爸爸講完再抱我行多一次我就無再喊！

爸爸媽咪宜家每次提番都會眼濕濕⋯⋯

（續）

點評

carriemama

發表於 13-12-11 09:30

私人傳訊

rachel815

積分: 4372

105^#

發表於 13-11-29 11:22 |只看該作者

Superbee 發表於 13-11-29 10:43
我都講一個我朋友老婆(A)出差大陸住酒店發生嘅02事件, 有D長...

A有次同同事去大陸出差, 地點唔記得, 不過 ...

最後唔係好明...對拖鞋對住衣櫃即係咩意思??

私人傳訊

Superbee

積分: 5644

106^#

發表於 13-11-29 11:34 |只看該作者

rachel815 發表於 13-11-29 11:22
最後唔係好明...對拖鞋對住衣櫃即係咩意思??

佢驚嘅係因為對拖鞋肯定唔係佢拎出嚟, 因為佢唔著酒店拖鞋嘅, 咁點解會齊齊整整放咗喺地下呢? ~
而點解對拖鞋鞋頭指住衣櫃, 其實佢都唔係好明, 亦無深究 (佢當時都腦海一片空白), 只係佢咁啱見到個情景係咁~

私人傳訊

rachel815

積分: 4372

107^#

發表於 13-11-29 11:43 |只看該作者

回覆 Superbee 的帖子

I SEE~~我以為鞋頭對住衣櫃係有特別意思tim~~~~

私人傳訊

Truffeee

積分: 4663

108^#

發表於 13-11-29 11:44 |只看該作者

引用：我又講～～～～我由細到大都見到，有幾次真

原帖由 pinkychingching 於 13-11-28 發表
我又講～～～～

我由細到大都見到，

講中文？

私人傳訊

Superbee

積分: 5644

109^#

發表於 13-11-29 11:47 |只看該作者

rachel815 發表於 13-11-29 11:43
回覆 Superbee 的帖子

I SEE~~我以為鞋頭對住衣櫃係有特別意思tim~~~~

題外話, 我聽過其他朋友講過, 酒店衣櫃係阿飄嘅地盤, 所以千其唔好放內衣褲喺入面, 因為佢哋唔鍾意, 就會出嚟搞人~

唔知真唔真, 只喺聽人講~

私人傳訊

llssisi

公爵府

積分: 28374

2018復活節勳章最關心BB問題熱投勳章 hashtag影視迷勳章畀面勳章陪月勳章 BK Milk勳章

110^#

發表於 13-12-1 11:16 |只看該作者

回覆：返工無野做..不如講鬼故

追

私人傳訊

積分: 1704

111^#

發表於 13-12-8 15:14 |只看該作者

回覆：Truffeee 的帖子

Yes. 中文，不過鬼食泥咁既聲，好似好遠好遠收音機咁

私人傳訊

積分: 1704

112^#

發表於 13-12-8 15:31 |只看該作者

回覆：返工無野做..不如講鬼故

情降，

對象：我前夫（阿D)
我ex 阿D風流成性，不斷玩女人，有好幾次俾我身邊朋友見到，當然，男人通常都係死口唔認，直至到有一次，我係街到撞見佢同一個女人上去維多利亞，我即時俾唔到反應，一個人係條街度直到夜晚12點幾先返屋企，
我返到屋企不斷諗，如果佢肯返黎我身邊就好啦，叫我做咩我都制，之後就坐係電腦前，不斷search ,睇下有咩方法令老公回頭，
無意中俾我睇到泰國和合降，於是，我就不斷做資料搜集，直至俾我搵到個泰國師父，因為佢係黎香港做場法事，好快我就約左時間去見佢，

去到佢係香港既神壇，入到去有一種毛骨聳然既感覺（果種凍，係由心凍出黎），同佢講左我既情況，佢話和合解冇絕對一定work. 但果時既我，好似中左邪咁，佢話咩就咩，果陣佢收我8萬港紙，。。。

私人傳訊

小小為食

積分: 7919

113^#

發表於 13-12-8 15:39 |只看該作者

有一次我同表妹去商場廁所,我唔去就係洗手個度等佢,成個廁所得我同佢,無人出入,之後佢去完出嚟就話:"最憎d細路一路跑一路嗌架喇!"
咁我就問佢:"做咩無啦啦咁講?"
佢話:"頭先你唔覺好煩既咩?有個細路係咁大嗌,家長又唔理!"
我話:個廁所由頭到尾無人入過嚟喎!"
之後我地呆左對望左5秒,一句說話都無講立即走人~

私人傳訊

baby_lctlct

積分: 4036

114^#

發表於 13-12-8 15:46 |只看該作者

回覆：返工無野做..不如講鬼故

私人傳訊

小小為食

積分: 7919

115^#

發表於 13-12-8 15:55 |只看該作者

又有一次,我跟團去泰國,夜晚瞓覺熟睡既時候feel到有人扯我枕頭,扯第一下醒左,覺得自己feel錯,正想瞓返時比人扯第二吓.個時超嬲,因為我真係好憎人嘈醒我!之後我搵手按實枕頭個心諗:"x你老味,係咪唔Q洗瞓呀?!你好同我死開,唔好阻Q住我瞓覺呀!"之後成晚瞓得安安樂樂~算佢醒目!
之後同男朋友講,佢話唔明點解我咁大膽!但我瞓覺大過天,個吓真係只有嬲,完全無驚過!

私人傳訊

EOBEAR

禁止訪問

積分: 33048

116^#

發表於 13-12-8 15:59 |只看該作者

引用：又有一次,我跟團去泰國,夜晚瞓覺熟睡既時候

提示: 作者被禁止或刪除內容自動屏蔽

私人傳訊

super888

水晶宮

積分: 55656

畀面勳章 BK Milk勳章

117^#

發表於 13-12-8 16:37 |只看該作者

引用：我仲有好多，我後生時試過泰國野，鬼仔，降

原帖由 pinkychingching 於 13-11-28 發表
我仲有好多，我後生時試過泰國野，鬼仔，降頭，得閒同大家分享下先

期待。

Cheer up! Enjoy every Little Thing in LIFE

私人傳訊

積分: 1704

118^#

發表於 13-12-8 17:09 |只看該作者

引用：又有一次,我跟團去泰國,夜晚瞓覺熟睡既時候

原帖由 小小為食 於 13-12-08 發表
又有一次,我跟團去泰國,夜晚瞓覺熟睡既時候feel到有人扯我枕頭,扯第一下醒左,覺得自己feel錯,正想瞓返時比 ...

兇佢係work~ 有時你驚佢，佢仲開心

私人傳訊

積分: 1704

119^#

發表於 13-12-8 17:26 |只看該作者

回覆：返工無野做..不如講鬼故

情降（續）

之前講到收錢，當時既我即刻話ok
降頭師傅佢要我收集幾樣野，1. 阿D頭髮 2. 佢既指甲， 3. 佢既相， 4 .出生日期 5. 佢既衫（著過既，唔駛洗）

期實呢幾樣野唔係一件難事，一星期後，我攞晒呢啲野再加尾數就再去搵師傅，佢叮囑我一件事，千萬唔好同個男人嘈，唔好發顛。

師傅話即日就開始做法事，我成個人定左落黎，果一晚我瞓得好穩好好瞓，不過果晚阿D都冇返屋企。。。

第二日下午，阿D話要返黎食飯，佢一向都好少返屋企食晚飯，我即時好開心咁去買餸，夜晚煮飯。

大概8點幾，我頸背有陣涼風吹過，我打左個冷擅，我心諗：唔係呀，開火煮野食都會有涼風。。。。
之後阿D就開門返左黎，我覺得佢成個人好似唔同左咁，不過佢都有行過黎攬下我，同我講句，老婆，我返黎啦。成晚我都忍住冇同佢嘈，安安靜靜咁過左一晚。

私人傳訊