事緣今日(二零一九年一月五日)我帶同一個兩歲大既囝囝到一間Lego store馬鞍山分店行逛，正當我囝囝由貨架上揀好左一盒Lego時，不慎將盒Lego掉倒地上，並遭分店售貨員喝斥: 「小朋友，小心d吖!」，但職員當其時態度及語氣好差，而我又身懷七個月身孕，無可能蹲下同我囝囝去揀選Lego，但職員並沒有第一時間過來幫手之餘，仲係度責怪我及我的小朋友，可想而知該名職員實在太無知及涼薄，完全無理過我廷著巨大的肚仲要帶著一名兩歲大既囝囝。試問一個身懷七個月身孕的我，仲要照顧住一個兩歲大的小朋友，實在係幾咁艱難呢! 如果當初嗰名售貨員態度好dd，我都無咁嬲，吾會同佢嘈。我真係好嬲，而由於剛才太激動，我的肚子很痛並趕到去醫院了。

當日大約中午十二時左右，我們到嗰間Lego Store馬鞍山分店選購Lego。然而，售貨員態度及語氣很差，使我感覺到很不舒服，因為售貨員卻態度囂張喝斥我的小朋友。但試問貨品擺到咁低，懷孕既我又點能同我囝囝蹲下一起挑選貨品呢? 售貨員已經沒有第一時間過來幫忙之餘，仲嗎度責罵我地，於是我不滿地說﹕「而家我有話吾買咩? 你們既貨品有幾咁矜貴嗎? 裡面的Lego都早已是散修修，我地又吾係第一次買呢! 而小朋友又吾係有心去破壞! 我大住肚吾能夠蹲下來去揀選，唯有要靠我既兩歲兒子自己去揀選呢!」我既兩歲兒子已經一早同我講佢要呢盒lego, 只係嗰盒lego太大盒, 佢自己拎吾得穩就跌左喺地上。

我感到十分憤憤不平，貨品我已經買下了，唯獨職員態度很差，我們又不是有心去破壞你們的貨品。職員肯定未做人阿媽，相信好多阿媽都會明白，帶住小朋友出街已經要睇到實，因為佢地真係會周圍走又周圍亂搞其他野，驚佢地整爛人地d野... 所以做阿媽既壓力有幾咁大! 未做人阿媽既根本就吾明白我們的辛酸，而我既小朋友當其是已經跟我說要下這盒Lego了，準備去俾錢，但只是他不慎掉倒這盒Lego落地上，就立即被職員喝斥，我當時真的感到好無助又尷尬。職員亦都無同我地講對吾住。

我想問係咪帶住小朋友就吾洗出去行街買野? 小朋友就係吾知原來嗰d Lego原來係吾跌得喺地上~ 如果你話一個七八歲已懂事既小朋友就話姐... 我個兩歲小朋友講野都未講得好好，聽又未聽得明，無啦啦咁樣俾嗰個職員話，我梗係嬲啦~ 嗰個職員語氣好d及首先了解清楚當時我的情況，身懷六甲已經不能蹲下去幫我的小朋友拿起貨品，而我的小朋友拿起這件貨品是準備去付錢的呢! 所以這樣對作為客人的我們很不公平。

這次事件令我會好好去思量，點解而家香港服務態度愈來愈差? 香港人就一d同理心都無? 就算你地話我地係吾岩在先又好，我當時係無即刻怪我兒子，我係當眾鬧嗰個售貨員，因為作為母親既我第一時間梗係想保護我兒子，就算我大住個肚 (我吾應該咁激動) 而我仔又係度望住，我都要鬧嗰個職員，因為我要話俾我仔知道遇到吾公道既事就要出聲，遇到咩問題我都會第一個去支持佢，永遠都有我係度保護佢! 因為而家見到好多新聞都係d小朋友睇吾開去自殺，見到有年輕人因為失戀就走去死，我都係吾想咁... 因為出到黎社會實會遇到好多困難，但就算遇到有幾多困難都好，總會有一個家去支持佢~ 只希望佢健康快樂成長就係作為母親最大既心願!