呢度很多朋友都推崇用「定期」來為自己的資金去增值。
首先想大家了解一下「流動資金」同「長期儲蓄」的分別。
「流動資金」顧名思義就係一筆可以隨時拎出嚟作應急用途，或者用作生活費的資金。通常呢筆錢係會放在銀行，可以隨時拎出嚟用。
「長期儲蓄」係一筆你唔會經常郁到佢，或者甚至係長期擺喺一個地方，利用平穩增值的方式來做到有穩定增長的儲蓄。
但係好多朋友希望兩者兼得，又要有流動性high liquidity，又要有資產增值asset growth, 但是兩者其實係互相矛盾的，因為要有資產增值，就一定要透過「時間值」去幫手做到複息增長，在兩者的協同效應下，即係唔拎呢筆錢出嚟，由得佢不斷滾存，例如十年，廿年，三十年，先可以做到由本大利小，去到本小利大的效應，你唔俾佢透過時間滾存，只係一年，兩年，係根本儲唔到錢，即使個利率有幾高，但因為只係俾佢半年、一年的時間，係絕對做唔到「複息效應」。
好多朋友覺得，「我做定期咪仲好，息高就可以繼續做，息低就拎番出嚟拎去其他銀行再做六個月」，大家有呢個諗法的話，就係將兩個以上的概念「流動資金」和「長期儲蓄」兩者混淆，兩者亦互相矛盾，最後係做唔到你想做到的效果：長期儲蓄。
大家要明白一個概念：長期儲蓄係需要時候去滾存。真正的富人係會透過分散投資做到資產增值，他們通常分開四桶金去做資產配置：流動資金、風險管理、平穩增長，和進取型資產增值。
流動資金：流動性高的資金，通常放在銀行活期戶口，方便取存。
風險管理：透過買保險，以一個相對較小的金額去做到槓桿效應，為自己的健康、人壽買入保障，當有事發生時可以向保險索償，保障自己的儲蓄免受蠶食。通常呢類產品包括：人壽、危疾、醫療、意外。
平穩增長：一筆流動性低的資產，主要透過平穩的資產增值工具去幫助自己可以令呢筆錢有平穩收益增長，工具有：定期（流動性較高）、國家債券、月供股票、指數基金（例如：盈富基金、恆指基金）、外幣、零全整付、儲蓄人壽保險、月供基金，甚至係買入實體黃金，或者係保值的產品，例如名牌手錶（Rolex)。
進取型資產增值：一筆會承受高風險和價值隨價格升跌的資金，工具包括：股票、期貨、期權、孖展、牛熊證等衍生投資工具、甚至自己創業。
當中的比例隨着個人的需要而調配，但如果大家真的想做到「平穩增長」資金的話，就需要把「流動資金」和「平穩增長」呢兩舊錢分番開，做平穩增長的資金就要俾足夠時間去滾存，而唔係將兩者混為一談，想要馬兒好，而要馬兒不吃草。
