熱度 30|
仲有唔到一個月就係農曆新年喇,大家準備好送雞迎狗未呢?同前幾年一樣,BK今年亦都設計咗新一款國王利是封,為國民送上祝福!呢套狗年利是封絕不公開發售,真係有錢都買唔到㗎!至於點先拎到喇喎,就請大家鎖定網頁版首頁 (按此進入 → 親子王國電腦版首頁),所有活動消息會喺嗰度公布㗎!小編提提大家唔好淨係留意一個討論區,因為今年我哋會游走多個版㗎!
今日小編想先同大家回顧一吓過往嘅國王利是封,然後再公開新一年嘅利是封啦!
今次小編得到一位入職 7 年嘅同事借出咁多年嚟嘅珍藏,所以先有呢張相咋!聽佢講其實BK仲有兩款已經「失傳」咗嘅利是封,好彩俾小編我搵到兩張舊相!
呢款係當年BK同其他公司合作,搞咗一個「兔年利是封」設計比賽,俾國民發揮創意,最後仲揀咗好幾款印製成實體利是封添!
隨住年齡增長,國王面上開始有歲月嘅痕跡,咁「年輕」嘅國王真係難得一見呀!
唔知有冇國民儲齊晒以上咁多款呢?大家又最鍾意邊款呀?小編投上年中國剪紙嘅設計一票,別致得嚟好有新年嘅feel!
好!嚟到呢篇日誌嘅重頭戲,就係要帶大家睇睇今年嘅利是封啦!早喺十一月嘅時候,幾位同事已經為新設計做準備!
呢個就係絞盡腦汁後出嚟嘅成果喇!
今年嘅利是封採用雙面設計,國民可以揀自己鍾意嘅一面嚟用,只需摺一摺,一個利是封都可以有兩個樣!所以大家睇到嘅以上兩款其實都係同一個利是封嚟㗎!用完一面,下一年可以反轉再用另一面,環保得嚟又有新鮮感!
小編試摺個製成品俾國民睇睇啦!
今個新年可以叫小朋友幫手入利是錢之餘,仲可以一齊摺利是封,製造開心親子moment!想要利是封嘅國民,記得留意我哋嘅最新消息喇!