吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真係唔知點算好-深層矛盾 3

婆媳關係今日: 7|主題: 27701

收藏本版

發帖

返回列表

跳至頁

樓主: A.Yin

3 4 567

積分: 3719

101^#

發表於 13-5-3 22:50 |顯示全部帖子

第二日，我因為要湊B遲咗差唔多20分鐘去到，已經見到呀E喺conference room (間conference room喺門口隔離落地玻璃，一望就望到）。禮貌上叫一聲呀E，佢＂呀！＂咗我一聲檔應咗我。咁我求其搵個位坐。我到後又再等十幾分鐘，E已經非常不耐煩，好似隻狗（唔係真係話佢係狗，只係狗經常做的動作）咁來回踱步，時而企下時而坐下，周身唔聚財咁。

想叫人催呀律師，但人哋reception係外國人，佢英文有限公司。
又再等多十幾分鐘，搞到我都有D唔耐煩，想早D接番BB。

律師入嚟，笑哂嘴咁：點呀點呀？諗惦未呀？（我覺得佢似賣樓多D

）

E：你俾張支票我睇多次。

律師遞俾佢

E：機票呢？

律師用職業性笑容：open ticket 幾時上機都得架，放心啦

E：即係我住到幾時都得啦

律師以0.0000001秒收起笑容

私人傳訊

A.Yin

大宅

積分: 3719

102^#

發表於 13-5-3 23:03 |顯示全部帖子

Sorry......冇電呀

得番3%......

我盡力了，聽日繼續...

Sorry

點評

ailHO 辛苦你鳥 ^_^ 發表於 13-5-4 10:35

私人傳訊

A.Yin

大宅

積分: 3719

103^#

發表於 13-5-4 07:39 |顯示全部帖子

放心放心，律師係商人派來的，狡黠程度有番咁上下

我同佢都唔出聲，望住E。

E：返去又冇地方住，就算去深圳咪又唔係自己屋企，游離浪蕩

我哋繼續唔出聲等佢表演

E：其實我真係唔係有心霸住人間屋嘅，不過一來間屋係呀姐的，佢叫我住加嘛，我唔係偷唔係搶，你冇可能怪我㗎喎。而且你哋又唔係住，我冇阻到你D乜，係唔係先

當時已經好唔耐煩的我忍無可忍：咁唔洗傾啦，有冇好傾啫

律（何其冷靜）：X小姐，一係你諗下，你有D咩需要，或者我哋可以盡量match吖

E：咁呀仔始終大6返來，你又叫我哋去深圳，真係好冇謂嘛。（你驚個仔被人拉咋啩

）

律微微笑咁望住佢，相反我就嚟火山爆發

私人傳訊

A.Yin

大宅

積分: 3719

104^#

發表於 13-5-4 12:14 |顯示全部帖子

你同姐夫（依家又叫商人姐夫:;pppp:）商量下，我唔要學費，佢搵間屋仔，喺邊區幾大都冇所謂俾我住住先，半年左右, 咁好唔好？

（你都幾大＂想＂頭喎

）

我忍佢唔住：呀E你唔好咁過份啦，莫講話佢同99離婚，就算佢依然係你姐夫，62都唔係奉旨幫你架。依家大家各行各路，佢出學費出機票係人情，唔出係道理。
間屋係佢嘅，佢唔搵人爆鎖，掉哂你D嘢出街已經好俾面

E：我依家係唔係同你講先？我同律師講之嘛，又唔係叫你幫我安排，叫你都冇錢啦。（佢攞咗D條鎖匙同個remote control 出嚟）我好有誠意走架，但我都要保障我自己先得架（頂你憑咩要人哋保障你呀！

，62有錢關你叉事咩）

我當時真係好嬲，講真商人已經好讓步，你得一想二，我睇唔過眼的心湧出來：咁你不如叫62俾百零二百萬你袋住先，等你穩定好再還俾佢？

E蔑蔑嘴擰＂咩＂面唔出聲

呢個時候，我真係發夢都估唔到，律師話：如果我話OK唔洗商量，你係唔係即刻走？

我：

（冇咩形容詞可以形容我當時的心情）

點評

yuenyuen126

發表於 13-5-4 12:29

私人傳訊

A.Yin

大宅

積分: 3719

105^#

發表於 13-5-4 13:40 |顯示全部帖子

我當時不斷諗，商人係唔係short 咗？我應唔應該出聲阻止？點解會咁嘅？我應該俾咩反應？總之驚嚇到個人好混亂。

呀E其實佢自己都嚇親，但極力掩飾：咪係囉大家一家人，我唔係話貪，我冇要你D學費喎，係唔係先，之不過我哋依家冇人冇物，錢唔多，想搵個地方落腳啫，穩定好，呀仔又搵到工，我哋自然自己靠自己，都係叫做扶一扶我哋啫

律師又再掛上賣樓式的笑容：明嘅明嘅，人梗係有低潮時。咁你幾時方便走？你好似有過學生喺嗰度住喎，洗唔洗同佢夾下D時間？

E（完全唔理小溫的死活）：唔洗啦，學生哥得嗰幾件行李，隨時去邊度住都得啦（咁你喺張＂租約＂又話要7日通知？

）。咁間屋喺邊一區？會唔會唔係好方便搵工丶買餸（我真係痴哂缐，你仲咁多嘢問咁多要求

）

律：放心！喺九龍市區，都好方便嘅，係呀X生私人名下物業

E：係唔係佢俾番哂管理費丶差餉？我哋冇錢，其實如果可以的話你睇下同佢商量下包埋水電啦，唔洗轉名咁麻煩吖嘛，我又未租過樓，好多嘢唔識架我，又唔係長時間住

律（我估佢已經到達佢人生之中EQ的最高臨界點，但佢依然忍住度氣）：我諗差餉丶管理費都OK嘅，不過好似係新樓嚟架喎水電呢D我唔係好清楚，我呢度有賣樓Agent個電話同咭片，呢份係嗰時的售樓書，有哂地址，應該頗容易搵

我當時心諗WTF？新樓？

律：咁你頭先話半年係咪？我要通知一下agent。不過你可以住住先當然有條件啦，X生的意思除咗你搬出依家呢度之外，就唔好再騷擾D下一代嘞，好嘛？咁我檔意思意思draft張agreement，你簽一簽我有個交代，不過大家都要講個信字。另外咁你幾時走吖？我要幫你book邊日機票？洗唔洗搵架車車你？

呀E對於商人的皇恩浩蕩簡直招架唔嚟，遲遲唔肯出聲，我唔知定係佢盤算緊仲要求D乜嘢好

點評

A.C.C. "不過你可以住住先當然有條件啦"呢句好耐人尋味發表於 13-5-4 14:27

yuenyuen126

發表於 13-5-4 14:09

私人傳訊

A.Yin

大宅

積分: 3719

106^#

發表於 13-5-4 14:34 |顯示全部帖子

E：呀.....是旦啦，下星期五啦。咁呀姐夫成日飛，係唔係可以用D飛行哩數upgrade 下？唔係要用錢up，D分要嚟都係儲，用下啫，淨係up我一個啦

我靈魂已經出竅

，商人可能對於佢來講係活人版黄大仙，佢唔襯呢個機會要多D好似會死咁。

律：下.....？我諗難D嘞.....

E：咁你話間屋係新樓，咪冇傢俬？點住呀？唔去嘞唔去嘞

律：我儘量安排啦....咁我哋下星期五朝早見定你臨上機前我過去攞鎖匙？

E：嘩我仲要晨早撲去你度呀？你過來攞啦。

律：好好，咁幾點？X點好唔好？呀A小姐有冇問題？

我其實已經O嘴到講唔到嘢：呀好....好

律：咁下星期五X點啦

E已經急不及待＂立＂咗份售樓書同一＂秋＂鎖匙就走咗，remote同其餘鎖匙仲喺枱面。我下意識叫一叫佢攞番時，律師㩒一㩒我。

等佢走咗了，律：後生女，沈住度氣，慢慢嚟....
（btw律師55+男性）

私人傳訊

A.Yin

大宅

積分: 3719

107^#

發表於 13-5-4 15:44 |顯示全部帖子

咁多人估吉屋或無呢件事嘅？

同我一開始的諗法一樣

不過大家唔好忘記佢係商人喎

俾個貼士大家。嗱我攞番間屋都係最近發生的事，以我所知呀E仲住喺呢間新樓到。

容許我暫緩一陣，我要準備同c6出去食飯呀~夜D開估

私人傳訊

A.Yin

大宅

積分: 3719

108^#

發表於 13-5-4 21:36 |顯示全部帖子

好嘞！準備開估

話說星期五當日朝早，我有點兒戰戰兢兢，喺舊屋lobby等呀E。呀E好遲，遲到仲有一個半鐘左右就起飛。我試過舊屋最快唔塞車都要25分鐘去到機場。我緊張到律師話：後生女，鎮定D，有咩咁大不了，佢唔出現自有唔出現的辦法。

我想去buzz佢，律師又話唔好。

終於出現，律師又嚟笑笑囗：做乜咁遲呀，起飛嘞喎。

佢同表弟冇行李，我想問但唔敢問，驚自亂陣腳。反而係律師開口：依？點解你哋無行李嘅？

E冇理呢個問題，個樣好惡咁問律師：我點知你係唔係呃我架。

律師有備而戰：呢張係X生寫的，同意你借住由即日起計半年，雜項由佢支付。呢張係證明間屋係X生的。咁仲有冇問題？X生唔會呃人嘅.....你亦有證明吖

E：始終都係一家人吖嘛，你有錢，幫下我，有乜所謂，帶唔走的。咁機票呢？

律：依家有passport就唔洗機票架嘞

E：咁坐下一班啦，趕唔切了

律（終於都面有難色）：已經幫你confirm 咗呢班機嘞喎
（話說某航空公司一日有四班機，佢唔搭嗰班對落仲有兩班）

私人傳訊

A.Yin

大宅

積分: 3719

109^#

發表於 13-5-4 22:31 |顯示全部帖子

年紀大真係唔同D，佢吸一啖氣又忍到：你試下去機場先啦。

E：嗱！最後呢條鎖匙喺機場交收，你捱下義氣車我去，又可以肯定我有上機
（連車錢都想慳

）

律師冇佢辦法，行出門口就上的士，臨上車前仲好有交帶咁同我講聲，我哋一陣聯絡。

佢哋走咗，我自己上去睇下啦，嘩！唔識點形容，碗未洗，電視未熄，房入面的衫丶notes一地都係，廁所成地頭髮，污糟衫依舊喺laundry，根本佢哋D嘢就仲喺度。我冇辦法，要搵相熟的地產經紀搵清潔公司即時大執，佢哋留喺到的嘢一件不留，可以見得人的就捐。之前放租個agent過來睇過，忍唔住講咗句：乜搞成咁呀
（所以我後尾星期日先收番間屋）

搞惦所有嘢，接番BB，律師就打嚟問我方唔方便去佢office。我以為出咗咩事就去啦。去到佢好開心。

我：依？真係走咗嘞？

律：係呀，呢D人邊係搭第二班機吖，要我過去機場＂r＂upgrade之嘛，我梗係唔肯，企硬上就上唔上就罷啦
（仲要＂r＂，寫個服字俾佢）

私人傳訊

A.Yin

大宅

積分: 3719

110^#

發表於 13-5-4 22:56 |顯示全部帖子

我：唉〜咁點解62要俾間屋呢D人住呀。

律：傻妹，你62做乜都有目的啦，話你知，呢間屋呢據我所知就係包喺＂離婚套餐＂入面的，不過你62就要收番深圳間屋，就offer呢間俾佢，呢間雖然新屋，但for佢一個人住5、6百呎咋喎，你知唔知深圳間屋值幾錢呀？$X（間新屋的5-6倍）

我：咁如果係咁唔好話99啦，正常人都唔會換啦！

律：之所以話呢，住深圳就按國內物價俾贍養費嘛，條數又唔係咁計法喎。仲有你都知你62係XXX（商人公職職銜），有咩事（眨下眼）你明架啦。

私人傳訊

A.Yin

大宅

積分: 3719

111^#

發表於 13-5-5 10:42 |顯示全部帖子

對唔住對唔住，噚晚太夜，俾c6捉到喺被入面密密寫。佢話我生之前係咁，生完又係咁，點解佢呀媽最近冇＂搞＂我，都咁多嘢同姐妹們呻。我話：係呀問泵奶D嘢，佢話：聽日問唔得咩？我：得得得。就匆匆忙忙send咗嗰段出去

續
我：明明地99呢part，唔明呀E喎

律：你諗下，佢哋搞離婚咁耐，點解你99唔賣SZ間屋先？俾你賣到，你賣咗你多舊錢你又分少D。唔賣，你住大6一樣係收少D，與其係唔係都收少D咁你梗係要香港間屋俾番間舊屋呀X生，老實講你99自己住大6都冇咩意思（咁又係36s應該已經雞飛狗走）而且，你以為果間屋咁容易俾你99賣出去？你依家間屋係你嘅，你都因為某D原因賣唔出啦，係咪？

At this moment, 你99未決定要間屋之前係你62嘅，佢鐘意俾邊個住都得架，你99冇權say no喎！（E）入得去住，會唔會走先？咁佢要點做？求你99要間屋，如果你99唔肯放棄大6間屋，你62就會賣新屋，喂，借住半年冇話期間唔俾賣喎，（E）仲唔出盡辦法呀？但你99要咗之後，一係忍耐同佢個妹住，一係自己趕佢出去，佢自己搞惦，明白嗎？呢D叫互相拑制，鬼打鬼。

呀X生意思，佢（Y）自己搞出來的氹佢自己踩番。X生都係蝕機票錢啫，佢（E）自己傻，唔要學費，佢自己攞嚟，X生等如冇攞過錢出來。啊！都有嘅，我律師費囉哈哈。佢兩姐妹自己打交，哈哈哈哈

我：er.......

mouth:
（62

我唔想有日得罪你

）

律：以後小心D，我都知你99難搞，上次監護人單嘢（我都有consult過佢）諗起都恐怖，未見過有女人咁都得。仲有X生意思，D嘢搞惦無咩事唔洗覆番佢嘞！

後話：雖然商人好俐落，但我心入面都不是味兒，始終打破咗唔想靠佢的原則，原來我哋咁冇能，有事上來都要搵佢。唉〜

下期：婆媳終極大結局- Y的近況、我如何脫身，重獲平淡生活？
（預告：大眾偶像我老豆再次登場！）

私人傳訊

A.Yin

大宅

積分: 3719

112^#

發表於 13-5-7 23:04 |顯示全部帖子

因為已經事過景遷，加上結局篇亦可稱為復仇篇，唔想太多負能量，我想以一個比較輕鬆搞笑的形式敘述，希望高抬貴手，唔好又話我作故仔

首先，相信好多人，包括我自己，已經唔係好記得好多Y的＂惡行＂，但原來有一個人一直喺暗角裡默默記低，深深替我不值，佢就係可能比女人更小器，但喺我心目中更偉大，喺呢度頗受歡迎的—我老豆，亦是結局篇的主角（在下只是小小的茄厘啡）

知道時間有D亂，先重整一下timeline

Y爭產失敗返澳洲要我放棄BB撫養權俾佢爭多D贍養費，呀E霸屋索生活費＞我不勝其煩帶避走香港＞帶BB上京會62，即日返港＞c6+Y返港＞我返澳洲＞奪回舊屋主權 in the meantime C6+ Y留港＞呀E返港＞最近c6返澳，Y留港

背景
故事返到去初歸香港，跟各姐妹們談近况，被眾人點醒我的婦人之仁，再被我老豆話我，去完北京的翌日。老豆問起商人講咗D乜呀丶對於離婚丶對於Y的立場等等。得出結論：咁你以後咪受靶？

我：唉〜可能啦，咁唔係點喎...（無奈ing）

老：你老公點睇？

我：唔知呀....62又唔肯添D，嗰時99俾咗幾個方案我哋，一係過去住，又唔知幾多日又要見一次呀，如果佢喺香港又話要俾4萬一個月家用，咁上下，我都懶得去記住佢講D嘢，因為（c6）都冇話要應承佢。

老：咁唔係辦法

我：咩先係辦法？你教我，我已經夠煩了...可唔可以唔好講呢個話題（當時身心俱疲）

老：你唔做，我做囉！

我：

做咩？你想＂做低＂99呀

當時唔知道原來我老豆殘酷的步署正式展開...

私人傳訊

A.Yin

大宅

積分: 3719

113^#

發表於 13-5-8 07:14 |顯示全部帖子

大家放心，我老豆一向做事作風，以重撃到位為主，唔似商人陰D陰D等你自己跌落陷阱，殺人不沾血。相反我老豆係＂打你咪打你囉！洗擇日呀？＂類型，所以結局篇亦係快丶狠丶準，唔會嘥大家太多時間。

第一步
我老豆又以一貫的形式與c6用email交談（事後C6被我威迫利誘公開），表面問近況，實質探究c6的立場，節錄如下：

老：你與你媽媽在澳近況可好？

c6：已經被佢煩死

老：咁你計劃以後與她同住？

c6：死都唔要

老：始終係你呀媽，再難受都要尊重，但冇可能叫（我）放棄咩撫養權，姑勿論有冇呢樣嘢

c6：當然。佢傻傻地，唔洗理佢

老：咪就係唔理佢所以傻傻地囉。你哋有人真正理過佢咩？冇咪越做越過份囉。你倆過要為佢疲於奔命無嘢好講，依家佢搞到個孫吖嘛。

c6：我真係唔知點做。

老：你唔知點做我教你點做。一同公司請長假，no paid leave都要，二長租service apartment，三book機票同你呀媽返香港

當時我知c6同老豆通Email 但唔知內容。同c6講電話時佢話：你老豆叫我no paid leave請長假同呀媽番香港！

我：下？點解呀？咁咪即係趕我走？

c6：喂！重點係我請長假喎！到底咩事咁嚴重

我：我點知喎！我都想知

我又質問我老豆

我：你做乜叫99返嚟，你係唔係要我避去大6，搵62保護

老：正一蠢豬，佢唔返嚟，你點返去呀

我：咁佢都可以返去啫

老：我咪依家有辦法囉，唔係點會叫你老公帶佢返來呀？醒D啦！乜你生完之後越來越鈍

我

擾擾攘攘，C6夾咗99返來，我就越來越驚....

私人傳訊

A.Yin

大宅

積分: 3719

114^#

發表於 13-5-8 13:34 |顯示全部帖子

好啦，呀Y回港，當中c6以咩理由我唔係好清楚, 佢無講我亦無問，大家信哂我老豆。
大約返咗來一日已經被佢急call要見BB，但實質搵我訓話。好緊張問我老豆：點呀，返來嘞！

老：咁緊張做乜

我：又係你叫佢返來的

老：佢係你99在情在理你去entertain佢正常過正常

我：entertain?!

..........我恐怕會被佢話到體無完膚。

老：佢點衰，佢嘅事，佢自己樣衰，新抱唔一定要受氣受屈，但一定要有你自身的涵養。

我：（心諗講來講去咪即係叫我任佢話

）咁你又話幫我？，

老：未係時候吖嘛，去咗先啦，你唔去，場戲做唔落去。總之保持禮教，知嘛？

我：

mouth:（講就易）

請安當日
已經做足準備功夫，果籃加即食燕窩，但劈頭第一句

Y：你做乜自己帶BB返來呀，你點做人呀媽？我做99的咪幫你搵人湊囉（佢意思呀E），我算係咁啦，又平又靚又自己人，你仲想點呀？

c6擋駕：佢係BB媽媽有佢自由，依家BB好好，冇咩問題

Y：好咩好，你睇佢幾瘦，你D奶肯定有問題啦，你慌你唔係成日食埋D狗屎垃圾嘢咩？你食還食，明知係咁仲餵人奶？家陣冇錢買奶粉呀？養一個小朋友都冇錢仲點養我呀？

一來到就連珠砲發，而且我最憎人話我D奶，我奶量已經唔多，為了BB成日半夜三更泵奶，講真做呀媽再偉大都好都真係好眼瞓架。

我：我冇食咩垃圾，而且再貴的奶粉都唔及人奶啦，正如再有錢都買唔到親情（我真係忍唔住要串下佢）

私人傳訊

A.Yin

大宅

積分: 3719

115^#

發表於 13-5-8 15:35 |顯示全部帖子

Y：仲好講，我叫你哋企喺我呢邊，我哋問佢（商人）攞多D錢唔好咩，你（我）唔好以為我唔知，呢D人你去搵佢做咩？你以為佢有得分俾你呀？

C6：媽你講嘢唔好咁過份啦，佢都係去同呀爸講下，大家就下啫

我（一下子已經去到我容忍度的臨界點）：我係帶BB上去睇佢，62始終係BB爺爺，我依家都帶BB嚟睇你，一視同仁。

Y：我依家同你哋講，有佢冇我，你要認佢唔好認我！你哋唔好以為佢有錢，＂痴＂埋佢度好過癮，我都冇得分，何況你哋？

我：佢係62亦係爺爺，同錢係無關的。你哋之間的事我哋或者最少我以後都唔會插手，你放心，冇人要＂痴＂金糠。

Y：大把人呀，生個仔出來覺得呀爺呀嫲養係應份架啦，我見都見唔少！你有錢冇錢，又話你唔封利是唔買金，唔買床仔唔買衫仔呀！好似欠咗佢哋咁呀。一家人？呢D新抱有錢咪一家人囉！不過你認佢做62又點呀？佢＂挽＂下手就反面唔認人架啦，你死都要認佢冇得執嫁喎，唔好話我唔提你啦，你話我自己話自己都係咁話啦，我都係咁啦！你認佢有屁用

C6語氣沈重：我哋冇人要講錢，要講都係你喺度講。

私人傳訊

A.Yin

大宅

積分: 3719

116^#

發表於 13-5-8 19:13 |顯示全部帖子

Y:我講錢又點呀？我點解唔可以講錢，我可以要贍養費，你哋呢？

c6：係〜你做乜都得，我哋做乜都唔合你意

Y：你哋企喺我呢邊就最合我意。我同你（我）講，你唔好再去搵佢，我哋呢個屋企檔冇咗呢個人，（對住BB）我哋唔識佢㗎，知唔知？

我：62都係一份子啫，佢可能對於你來講係個不負責任的丈夫，但佢對我哋甚至BB都無嘢，何苦呢？

（太耐冇長時間接觸Y唔記得佢好容易被點著）：你入得門就聽我哋屋企規矩，你做乜要檔佢神咁拜呀，有咩好處？貪錢貪得你咁緊要呀，咁鐘意＂痴＂唔好死去北京＂痴＂實佢，係咪又等佢買樓俾你哋呀，佢嗰次話買俾你哋你又唔要

我實在忍無可忍但c6先出聲：呀媽你好嘞喎，呀爸點對你衰係你哋之間的事，你唔好將情緒你的失敗發洩喺我哋身上，呢個世界唔係淨係得你一個。我做仔我可以忍你，我老婆唔需要。你點解一定要講到你自己最叻先滿意。

Y：係囉！我錯哂，我抵死。人又老又失敗，乜都我自己攞嚟。你老豆有錢，個個向住佢，有錢嗰個實啱唒架啦，我實錯格！

我：你要咁諗冇辦法。無人幫到你，或者只有律師幫到你爭多D錢。如果無乜嘢，我返屋企餵奶先。

Y：我叫咗你唔好再餵人奶啦，你係咪想害X個孫呀，瘦蜢蜢人哋以為我離婚後冇錢俾個孫買奶粉呀

我火山爆發：你都痴缐架，不可理喻

因為用carrier,起身就走。 c6狂打電話俾我都cut 佢線

返到屋企又受氣又委屈，覺得自己點解要嫁俾c6咁折墮，點解連我老豆都要咁玩我，想喊想喊

我老豆返嚟時我已經想衝過去鬧爆佢，佢反而興致勃勃問：點呀點呀，你有冇發脾氣呀！

我仲嬲：點止發脾氣呀..

正想連珠砲發的時候，佢笑笑囗：真係有發脾氣呀？咁就好嘞

我：WHAT?????

點評

kayingivy 都估到你老豆想你99鬧你，等佢又位入佢

發表於 13-5-8 19:45

私人傳訊

A.Yin

大宅

積分: 3719

117^#

發表於 13-5-8 20:27 |顯示全部帖子

係我寫得唔好。承蒙各位錯愛，我老豆意思係「我」有冇發脾氣

咁大家又估下點解？

私人傳訊

A.Yin

大宅

積分: 3719

118^#

發表於 13-5-8 21:09 |顯示全部帖子

我：你到底咩意思？我已經好嬲了，你仲＂own"我去死，係咪生完好激D。

老：明知你啦，越叫你唔好發脾氣你就越忍唔倒。就係要你發脾氣。你唔發脾氣我點行下一步？

我：咁即刻點呀，我想返去了，只要99喺度我都唔想留喺度

老：你等陣先啦，我打俾你老公先啦

打俾c6，我只聽到我老豆單方面講乜，大約如下：

你哋今日係唔係嘈過嚟？＞咁你呀媽又係過份咗＞你搞得惦一早就搞惦啦＞我叫得你返我梗係會教你點做啦＞你要有心理準備＞事後唔好怪我

老：搞惦，同你老公講咗了。打死冇怨

我：你唔係真係搵人＂做＂低99呀哇？

老：你真係好蠢，我要搵人＂做＂低佢，舊年好搵人做啦，經濟唔好可能仲平D添呀

我..........

mouth:

老：記唔記得你99舊年做過D乜？

我：下？好多喎！

老：梗係最核心嗰單啦

我：8妹？因為你要去北京搵62開大會？

老：jip!梗係唔係啦！迫你去深圳

我：咁耐歷史，咁又點

老：佢做初一我做十五，佢對我個女做的嘢，小小我都記住佢呀！

我：下？你要搵班8公圍佢？

老：你醒D檔幫忙，記唔記得佢講過D乜呀

我：佢講過好多嘢喎！

老：唉〜算了算了。等我打俾你99再解畫你知

我：打俾佢？

私人傳訊

A.Yin

大宅

積分: 3719

119^#

發表於 13-5-8 21:12 |顯示全部帖子

yuenyuen126 發表於 13-5-8 20:51
要你發脾氣先可以對阿Y發難0家嘛...

佢係要借我發脾氣過橋，不過唔係鬧番Y呀〜
再估下啦

私人傳訊

A.Yin

大宅

積分: 3719

120^#

發表於 13-5-9 09:41 |顯示全部帖子

好好開估

第二步
話說老豆打俾Y，又係只聽到單方面的對話，節錄如下：

我個女今日好似同你嘈過嚟喎＞係呀係呀，可能湊女攰啦＞佢脾氣係大D嘅

＞個孫好瘦？呀少少啦＞係咩？為咗BB嘈？＞咁你話哂都係長輩

＞返來幾耐呀？＞咁我要請你食餐飯飲餐茶＞好啦星期6好嗎？知你鐘意食國金軒，會約埋一班親戚大家一齊聚下

開估（亦可能令各位跌眼鏡，就係當日Y死都要我去深圳，就算我唔去，佢都硬要我一班親戚去會見佢，指名要食國金軒），喺我老豆立場，佢當日迫我去深圳，佢自己一定要俾下馬威我但俾唔到，先燃點起好多我之後所受的Y的＂惡行＂。再加上我老豆好憎佢好似太后一樣，佢一聲號令就連我的親戚都要就位。呼之則來。

我：國金軒你都記得？仲要叫親戚？你想點？

老：點？還番俾佢囉點呀？

我：點還？

老：你理得我點還，又唔係你還。我舊年唔係仗住你哋啱啱結婚又有咗BB（細細聲：仲有你媽）我洗怕佢，洗俾面佢？

我：咁關我發脾氣咩事？

老：小姐呀你唔發脾氣我點約佢出來呀，你99D咁的人，唔俾人就住，又捧到上天，佢會出來？

下期大結局＞第三步：決戰國金軒
（預告：老豆一觸即發，誓不留情面）

私人傳訊