吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 一條刺的開始

婆媳關係今日: 7|主題: 27701

收藏本版

發帖

返回列表

跳至頁

樓主: kit999

一條刺的開始

[複製鏈接]

4 567 8...31

kit999

大宅

積分: 1043

101^#

發表於 15-9-19 23:59 |只看該作者

回覆：一條刺的開始

和事佬續4

兩位姑奶，諗住繼續官腔下去就可以學人做和事佬。一輪無無謂謂既官腔，我都巳經有足夠空間思考下。佢地官腔其間，其中有一句係：老人家你tum下佢，佢就好開心架啦。

我打蛇隨棍上，點tum？
兩位姑奶靜哂。
我其實大約估到點解群腳會甘唔妥我。
其實我大約估到點解99會成日挑剔我。
（不過我老公一直唔係幾信，我估既呢個原因，我之前同佢老公提過，佢成日覺得係我諗多左）
我就係要問落去，問出答案來，
可以同老公如實報告。

我追問姑奶點tum呀？你教下我吧啦。
我真係唔知點tum wo.
係唔係比對仔囡佢湊，先叫tum佢呀？
係唔係要13個人一齊住先叫滿意呀？

我特登唔比機會佢地喘息，思考。
一輪咀，我無比99湊過呀囡咩？
未出世時我一心諗住繼續做野。pt都好。
因為唔想全職湊囡。可以幫老公又好。
幫父母又好。
繼續自己既工作轉pt時間都好。
(但當然呀囡出左世之後，就唔同講法啦，
原來bb出世後，真係好想自己一手一腳湊番架)

但我決定唔比99湊，唔係因為私心。
我直接了當講出黎：我唔哂兩份bb野，全部double，99一樣都無用，全部都係用番幾十年前d舊野。。。。。。。講。。

姑奶：可以睇開d既
我：睇開d? 點睇開d呀? 你見到自己幾個月既bb，比人用揹帶揹住係背隻，含住支煙係屋企打住麻雀。你會點先？

一個姑奶就話，一次半次姐。甘岩比你睇到。
另一個交情好既姑奶，就好似真係唔知情。
佢個樣都好錯愕。

我地唔比99湊，當時係禮貌地徹退。
無講過原因。所有原因全部都係佢地自己估架姐。我地啞忍左無出聲，唔再比bb佢湊就算。
但致於99自己會點同d仔囡演繹成件事。
唔洗講都估到啦。99一定唔會話自己錯架啦。

聽到其中一個姑奶甘講，話一次半次姐。
我火都黎。見到既係一次。見唔到其實係幾多次呢？你唔係唔知99煙引幾大，一陣佢或者就會忍，但如果佢打緊麻雀甘長既時間佢忍唔到係人都知啦。就算佢唔係成日係屋企打麻雀。
你比我見到你抱住我bb食煙。
你會令我有懷疑，如果你推埋我bb落街玩紙牌既時候，我點知你會唔會照食？仲要一堆呀婆係到一齊食。甘點？我有懷疑好正常。
因為佢公園基本上係每日必去。
除左落雨打風。
(初初以為佢會為左個孫，如果要食煙會行去第2度食，完全無諗過佢夠膽死揹住照食)

兩個姑奶甘本就唔夠我講，事實上道理就係我到。而我睇佢地表情，又好似真係唔知道我講既事實甘樣。我覺得99，唔會講自己錯處一d都唔出奇。

我再講：我唔尊重佢既意願既話，我唔會去賞試比佢湊，係佢自己唔諗個孫。最後失去左呢個權利。難聽d講係佢自己唔珍惜。所以唔好再同我講咩拉仔拉心肝。

交情較好既姑奶，又再眼濕濕。
佢比我感覺係，知自己呀媽令到我地一家唔好受，而家聽到真相覺得好錯愕同內久。

另一個姑奶就話：大家拎出黎商場下丫麻，何必一家人攪到甘。
我話：成個慈禧太后甘，郁d又黑面點商量？
你地做仔囡既都唔敢出聲啦。我出咩聲。

姑奶無野講。

我再講，有邊個唔想一屋一主？
有能力搬開既，成家立室個個都想一屋一主架啦，我地有邊樣野做錯過？自己搵錢，置業，自己生既小朋友自己湊番。
全部我唔覺得係錯事，但係99眼中全部都係錯事。就算係錯，都係我同你細佬一齊錯既事，點解淨係j住我？
況且你答我，一屋13人點住？
唔伸請公屋係錯，換車係錯，唔住佢隔離都係錯。我滔滔不絕。
甘點解佢初初比個仔結婚？
我將所有心低話講哂出黎。
其中一個姑奶住公屋。我話，甘你唔將間公屋交番出黎？又可以交小間屋租喇。你搬埋番去加埋一屋14人同99住囉。

姑奶：你唔好燒埋我啦。
我想出黎勸交姐。我又無惡意。

Ok我話，我認我好唔冷靜。
但我確定左係呢兩個原因，所以群腳仔同99甘樣之後，我決定同老公打小報告

因姑奶默認左。

私人傳訊

lamhonpui

大宅

積分: 1423

102^#

發表於 15-9-19 23:59 |只看該作者

回覆：一條刺的開始

樓主要俾個

私人傳訊

lunglungbb

大宅

積分: 4941

103^#

發表於 15-9-20 00:06 |只看該作者

回覆：一條刺的開始

追

私人傳訊

kylist1969

別墅

積分: 646

104^#

發表於 15-9-20 00:12 |只看該作者

回覆：一條刺的開始

追~

私人傳訊

kit999

大宅

積分: 1043

105^#

發表於 15-9-20 00:39 |只看該作者

回覆：一條刺的開始

和事佬完

講哂要講既野之後，
好明顯交情好既姑奶，
真的面上係流露歉意。
另一個姑奶種面口就唔係歉意，
係好無奈，都唔知可以講咩好，既感覺。

散bang , 番媽咪到接番d仔囡。
等老公黎接我。

上到娘家，巳經收到姑奶msg
內容大致上係表示歉意，話會好好處理呢件事，希望我地都唔好再記係心之類。
Msg內容唔止一次表示歉意，亦提起62，
大約係講，62真係好小同新抱會兩句。
你係唯一一個，當比個面子62。
盡量去忘記99既問題吧。

一提起62，我唔知點解就想喊。
明明個msg我見到係姑奶。
巳經唔想睇住。因為唔想係媽咪面前露出馬腳。但又忍唔住好想即刻睇個內容。
所以食緊飯時就眼紅紅。

其實我唔想比父母知，唔係因為驚佢地擔心

佢地唔會擔心我架。
我只係唔想佢地哦我，同唔想再講一次發生左咩事。不過父母還是察覺了。
我就講左幾句，父母不出所料，依依哦哦。
媽：一早話你知，做人新抱唔容易。
唔係個個好似你呀麻甘好。
(我媽同我麻係勁好感情。)
我成日叫你，唔岩聽，就唔好聽。
人地無修養人地既事。
你唔好理人甘多。做好自己本份就閃。
唔好比機會人地話你無修養。
況且你要做好本份比對仔囡睇。

我媽同我講既野
我真係倒轉背都識背番出黎

我老豆就話：鬧交唔係一定要駁到最尾先叫贏

當然佢地問我咩事，我無講哂出黎啦
甘短時間都唔會夠講啦。
我只係簡短講左幾句，同大伯噪左幾句。
而原因係：佢成日j住我。

我呀媽問我，甘點算丫，攪到xx難做有咩意思丫。你99又唔開心，大家唔開心，相處唔到最多咪小d見，你博佢咀做乜，贏左無得分。
(我無咩特別表情，因為我知道我父母都唔知真相，所以先甘講。我無咩野，仲話得啦得啦得啦，你唔好理我啦)

其實我父母都唔會相信，我係會比人蝦既人。
因為我以前真係有公主病。
但真係隨著年紀，又有細路之後，就慢慢先無左公主病。

我呀媽所以由我就黎嫁開始，知道我婚期開始個一刻，巳經成日日哦夜哦，將以上既言論講一百萬次，佢唔係驚我得罪人，佢係驚我咩都沉唔住氣，又驚我咩家頭細務都唔識做。

老公上黎禁鐘，我媽提醒我唔好再提唔開心既喇。驚我老公難受wo.(佢驚我發洩在老公身上)
又留左飯餸，靚湯比老公。
呢d咪奶奶同外母既分別囉。

私人傳訊

kit999

大宅

積分: 1043

106^#

發表於 15-9-20 00:55 |只看該作者

回覆：一條刺的開始

小報告

老公接番我地回家途中。
我真係好想快d番到屋企。
然後拎兩碌棍卜暈哂仔囡就掉哂佢地上床。

因為我真係好心急要打小報告。

我最心急報告既內容係：兩個姑奶默認左，99同群腳因為我地唔比孫佢湊，亦唔肯同一屋簷下，所以對我不滿。

我叫老公係7仔停一停。
我要買酒。我預左要毫無修飾情況下，想講咩就講咩，飲d酒講野會順暢d。
仔囡訓哂。平時有咩傾既話，都會係廳到傾。
我今次直情捉左我老公出花園傾，老公話：好熱wo,又有蚊。番入去講啦，我話唔得。
我驚我大聲得際會噪醒d仔囡

私人傳訊

kit999

大宅

積分: 1043

107^#

發表於 15-9-20 01:10 |只看該作者

回覆：一條刺的開始

小報告2

我如實報告每一隻字，
沒加多也沒減少。
我講多過老公講。
只見佢不停飲。

講左一陣得唔到佢回應，
我有d唔耐煩。
我叫佢比d反應。
佢靜左一陣，答我：我都唔知講咩好喇。
唉。我都唔明點解佢兩個係甘樣。
佢地甘樣，其實我對住你媽你爸你屋企人
都好抱歉。

講到呢到，我就眼淺。
老公話：唔好理佢地啦，總知唔想返就唔好返去啦，好無？我呢排都唔會返住。佢地好煩。
唔好再諗喇，入番去涼冷氣先啦

我死唔斷氣，我同佢講，總知你要返你自己返。你唔好帶我仔囡返。

老公話：唔返喇，唔返喇。我自己都唔想返住喇。

我：拉仔拉心肝丫麻，你點可以唔返呀，拉仔拉心肝呀，哈哈。

老公答得妙，小小勞燥甘講：拉乜春丫，拉柴就有我份。好地地安居樂業唔可以架咩？老既就話無得攪，但後世既都唔x化(群腳) ，係唔比好日子大家過，好地地就去挖爛塊地。有咩意思姐？讚你孝順咩，話你xx9咋。

聽完老公講條氣順d.
雖然佢只係對住我講，唔係對住群腳講。
但係睇得出，佢巳火滾。
亦比較遷怒於群腳身上較多。
我深信，黎到呢個地步，群腳再黎既話，
老公一定會出聲。

私人傳訊

w.y.BB

大宅

積分: 4502

108^#

發表於 15-9-20 01:18 |只看該作者

回覆：一條刺的開始

要俾個讚你c6, 唔係盲目地孝順，仲要識保護個老婆。

私人傳訊

kit999

大宅

積分: 1043

109^#

發表於 15-9-20 02:26 |只看該作者

回覆：一條刺的開始

本帖最後由 kit999 於 15-9-20 02:29 編輯

清靜日子

發生事之後，到而家我地都無返過去。
發生事打後既一兩個星期，姑奶有問候過。
但只係在msg普通閒話家常.
我諗佢都明有d野唔急得，同無得迫。

但估唔到既係，其中一個呀哥。
都會sd mag黎問候。
佢係甘多大佬中，我對佢印象中最好既一個。
不過都係平時唔係點講野既。
所以無諗過佢會問候。
我禮貌地官腔回復。

99坐定粒6，以為好快所有野回復正常。
因為我知佢，實會覺得係我錯。
我竟然係甘多人面前甘樣同佢講野。
佢什至可能認為我會道歉都唔定

但大家都無聲無氣。
兩個姑9又空手而回。
。
99開始出招。
首先一定係姑奶。
姑奶都可能知道今次難攪。
所以無係我面前講d咩。
只係輕輕帶過問下星期返唔返去食飯。

繼而，另一個姑奶，姑爺。
最後99自己打黎。
不過佢自己打過兩次黎我直情唔聽。

但我對於62，真係心都塞埋。
好唔舒服既感覺。
所以有兩日，老公放假一齊去左馬會撞佢。
(62無電話，99話said錢唔比人買比佢）
但撞唔到。

我同老公有一晚走去公園搵佢。
同佢坐左陣。我良心終於好過d.
不過62都係唔係點出聲。
仲好似有小小阻住左佢同d呀伯吹馬仔。
但我地約左佢某個星期日係酒樓飲茶。
約佢個時佢無話會唔會去架

佢只係答你，飲乜丫。放假訓下啦。
但最後佢會出現的

62好識做地無同99講，
我開籠雀甘同62講野。
(我巳經習慣左呢個模式)
我講10句62只會應2句。
但我地都覺得好開心。
雖然佢木無表情，但我地知佢enjoy的。
62一句都無提起之前的事。
我地同62約定，隔一個星期呢個鐘數
再黎飲過茶。62把口話，成日飲架咩。
但我答佢，下次你開位呀。你早d呀