lojo11 發表於 22-6-13 17:36
依家好多公司都有WFH, 但當中細節又無講得好清楚...
如果我去日本玩, 當一半日子請annual leave, 一半就WF ...
唔一定得,我公司之前有兩個例子可以參考,同事回港探親,因為假期有限,回港要隔離,所以提出申請部份時間當年假,部份時間當work remote,因為同事係香港永久居民,可以喺香港工作,於是公司批准,同事如願回港。
另一個同事去墨西哥玩,點知回程之前幾日酒店有個客人測試呈陽性,同事被通知要全間酒店客人檢疫,如果測試結果係陽性就要就地隔離,到測驗結果變陰性後24小時先可以離開,當時同事驚有咩事走唔到,於是問公司HR是否可以work remote,HR問佢是否有當地工作証可以於墨西哥工作,同事只係遊客當然冇,於是公司就reject佢嘅申請,好彩佢嘅核酸測試係陰性,於是如期上飛機返歸。
其實除咗公司批准之外,當地有否對外地人工作嘅限制都要查清楚,最驚係有問題被抽枰就好麻煩,仲未計到稅務申報是否會有問題。
花旗太太生活在花旗國,留意時差,你問我未必即時答到。