吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好怕BB比6299湊(長文)

婆媳關係今日: 5|主題: 27701

收藏本版

發帖

返回列表

跳至頁

查看: 8292 | 回覆: 36

好怕BB比6299湊(長文) [複製鏈接]

kittycheung622

別墅

積分: 893

1^#

發表於 18-8-6 01:51 |只看該作者 |倒序瀏覽 |打印

本帖最後由 kittycheung622 於 18-8-6 04:19 編輯

依家bb個半月，我地兩公婆同bb、工人、6299一齊住。未生bb之前，我同兩老關係都唔錯的，但係生左之後，就覺得好多野都唔順眼，我99又好多野都慣左要理，雖然係對我地好，好多野都想幫我地做，但係好似無咩我地一家三口既空間咁。

另外最怕就係bb會比兩老縱壞，我見到我99湊我姑9個幾個，好容易比零食食，比手機玩，佢地要咩就比咩，連我老公佢都好縱，生果都要試到甜先比我老公食，洗面個盤每朝都幫佢洗埋，曾經試過每朝朝早早啲去幫我老公排定小巴返工.....最慘係點講佢都唔認同依啲係縱，你話我點會唔怕我個仔被縱壞。

我就黎要返工，但係依家連放呀b出廳我都好唔舒服，好想淨係同bb係房。反而工人我唔擔心，因為我工人我可以教可以管，依家都覺得佢ok。只係怕6299會縱我個仔，雖然佢依家先得個半月，但係依家都成日抱住，我諗大個都係要咩有咩，咩都幫佢做曬個啲黎。我姑9最細個女2歲已經成日要食零食。

我好想搬出黎住，但係我同我老公係馮子成婚，我人工低過佢好多，無咩儲蓄，佢就好識理財，未到30歲，已經比到錢買樓。但係佢就好唔想買同搬，因為一來雖然佢認同兩老會縱BB，但係佢覺得問題不大，二來佢覺得我又無付出錢，但係要佢拎佢大部分積蓄出黎，佢覺得好唔公平，我人工又無佢咁高，好似淨係要佢一個付出咁。其實佢都有少少讓步話儲到多啲錢就搬，但係依家我覺得再遲根本就追唔到樓價。(接下文)

0 0 0

私人傳訊

kittycheung622

別墅

積分: 893

2^#

發表於 18-8-6 01:51 |只看該作者

kittycheung622 發表於 18-8-6 01:51
依家bb個半月，我地兩公婆同bb、工人、6299一齊住。未生bb之前，我同兩老關係都唔錯的，但係生左之後，就覺 ...

本帖最後由 kittycheung622 於 18-8-6 01:55 編輯

但係我真係為左個仔先想搬出黎住，99屋企長開電視，或者會玩手機，小朋友好易就會比電視識郁既畫面吸引，好易沉迷。99又會咩都幫佢做曬，好似縱我老公咁。陪月話如果要縱，小朋友一歲多啲就識得習慣要扭計。我真係好好好擔心，同99關係都差左，到bb大啲一定仲差，到要返工，bb痴99多過痴我，我真係好怕，擔心到我唔想99抱呀b，有時諗起就失眠又想喊，好似焦慮症咁。

覺得最無用都係自己，如果自己有能力，唔洗下下淨係靠老公，我就可以有啲牙力，要求搬出去了。依家老公成日話我鬼叫我無錢，唔好淨係再求佢比錢，叫我自己諗方法揾錢買。究竟我可以點做會令自己放鬆少少，又或者令老公明白我感受？依家成日都同為依樣野嘈！

私人傳訊

liumeowjen

男爵府

積分: 8035

3^#

發表於 18-8-6 01:59 |只看該作者

回覆樓主

咁你自己又無錢，你又可以點？
你覺得老公應該要出曬錢去買樓？
總之你老公不無道理，如果你冇錢買樓，就算而家你覺得唔買樓之後，可能追唔到樓價都唔關你事。因為你本身就係冇錢買。

好單純睇呢件事唔關小朋友事，你好想買一樣野，但你冇錢買，就算你講千百萬樣理由，你老公唔肯買就係唔會買。

私人傳訊

kittycheung622

別墅

積分: 893

4^#

發表於 18-8-6 02:12 |只看該作者

liumeowjen 發表於 18-8-6 01:59
咁你自己又無錢，你又可以點？
你覺得老公應該要出曬錢去買樓？
總之你老公不無道理，如果你冇錢買樓，就算 ...

其實我唔係大安旨意覺得老公要比錢買樓，但係突然有左bb，急住結婚，我自己都計劃唔黎，而唔係我自私想佢一個人付出，其實我想佢以bb利益行先，買左樓先。我都會盡我既能力負責任。我同佢講，我出返黎做野之後會好慳，啲錢比返曬屋企，我呀媽都可以借啲錢幫下我地買樓，但係佢都唔想，佢覺得小朋友縱下問題不大，我就覺得好大問題，我都知自己無用，我覺得我欠左個仔！

私人傳訊

Solarflare

男爵府

積分: 7514

5^#

發表於 18-8-6 04:28 |只看該作者

本帖最後由 Solarflare 於 18-8-6 04:39 編輯

kittycheung622 發表於 18-8-6 01:51
本帖最後由 kittycheung622 於 18-8-6 01:55 編輯

但係我真係為左個仔先想搬出黎住，99屋企長開電視， ...

搬出去, 長遠黎講對你地一家三口係好啲。正所謂一家一主丫嘛。
假設樓價不斷升, keep住啲現金就係最笨既做法, 因為現金既價值會不斷下降 (通漲原因)。
我覺得你老公未必係唔肯出錢買樓, 而係佢習慣左父母既護蔭。你而家突然叫佢離開呢個令佢最有安全感既家去建築新巢, 令佢感到強烈既未知同不安。
男人唔同女人, 女人會bb一出左世就立即充滿母愛。而男人, sorry, 佢唔會立即成長成為父親。以你老公為例, 佢仲係保持住一個父母護蔭下小男孩既角色。所以你講果啲咩教養問題佢完全聽唔入耳。

你而家最大既問題唔係無錢。而係你已經生左, 仲要係一入門就買大送細, 無晒 bargaining power. 試想下如果你同老公傾好搬出去先生仔, 唔搬絕對唔肯生。佢可能就會快快買樓。

不過搬出去你可能會遇到另一啲問題, 例如老公比99服侍慣, 乜家務都唔肯做, 仔又唔肯湊, 全部交晒比你, 你變左佢新既阿媽。佢仲可能會嚴3嚴4, 話你服侍佢唔夠周到 (99 服待得太好, 有比較)。到時都會日日家嘈屋閉。

私人傳訊

ada_fung

子爵府

積分: 14231

BK Milk勳章

6^#

發表於 18-8-6 08:33 |只看該作者

kittycheung622 發表於 18-8-6 01:51
依家bb個半月，我地兩公婆同bb、工人、6299一齊住。未生bb之前，我同兩老關係都唔錯的，但係生左之後，就覺 ...

經濟問題，都諗唔掂，你仲可以要求更多嗎？
仲話問外家借錢買樓？！以為唔洗還嗎？

唔想奶奶縱，考慮去托兒所湊，可以見少d.

私人傳訊

kathyky

大宅

積分: 1355

7^#

發表於 18-8-6 09:12 |只看該作者

Solarflare 發表於 18-8-6 04:28
搬出去, 長遠黎講對你地一家三口係好啲。正所謂一家一主丫嘛。
假設樓價不斷升, keep住啲現金就係最笨既做 ...

非常同意！

私人傳訊

Natalie625

子爵府

積分: 13141

8^#

發表於 18-8-6 09:30 |只看該作者

回覆樓主

睇電視同零食方面未必個個小朋友都會扭，我自己湊，都有開電視，我仔基本只有唱歌既時候先定定望，一唱完就自己玩返玩具。零食我基本上都任佢食，但我仔連薯條都係食一兩條就收，佢反而鍾意拎D零食去餵狗

所以你唔需要太擔心啦。手機我仔都唔好，我一拎起手機佢反而會發脾氣撥開，要我同佢玩。其實BB有時有自己一套，所以你放鬆D先
至於買樓搬當然最好，不過你又冇儲蓄，而且買左之後又供樓，又工人、水電煤樣樣都係錢，負擔好大，你老公本來已經唔想買，負擔一大左，肯定會有怨言。而且依家仲有你同6299(emoji)住工人，當然唔會有乜大問題。但我同阿仔去親公園玩，D工人都係坐低自己玩手機、傾計，望都唔望下個小朋友。好既工人太少

私人傳訊

kittycheung622

別墅

積分: 893

9^#

發表於 18-8-6 09:32 |只看該作者

Solarflare 發表於 18-8-6 04:28
搬出去, 長遠黎講對你地一家三口係好啲。正所謂一家一主丫嘛。
假設樓價不斷升, keep住啲現金就係最笨既做 ...

多謝你咁用心回應，我都明白可能佢未必可以咁快習慣角色既轉變，只係我自己好擔心好心急，我覺得，一日唔搬，都仲係會係父母既護蔭下。
其實佢好盡力幫手，但係錢方面我地差距好大，令佢覺得買樓好似淨係旨意佢，佢唔舒服，我又的確係無用，無牙力，唉，我真係一諗起就黎要返工，留低bb比99湊我就想喊。

私人傳訊

kittycheung622

別墅

積分: 893

10^#

發表於 18-8-6 09:38 |只看該作者

Natalie625 發表於 18-8-6 09:30
睇電視同零食方面未必個個小朋友都會扭，我自己湊，都有開電視，我仔基本只有唱歌既時候先定定望，一唱完就 ...

我都希望我個仔會好似所個仔咁，但係我仲好怕我99會好似縱我老公咁縱我個仔，咩都幫佢做，唔會比佢試下自己負責返自己既野。
我都知出去住一闊三大，但係為左個仔我都寧願慳啲洗。
我99的確可以睇住工人，但係反而會令到工人下下旨意有人執手尾有人幫，我同老公又無得親自打理一頭家，好似成長唔到咁，更加無一家三口既空間，所以真係想一屋一主。

私人傳訊

kittycheung622

別墅

積分: 893

11^#

發表於 18-8-6 09:44 |只看該作者

ada_fung 發表於 18-8-6 08:33
經濟問題，都諗唔掂，你仲可以要求更多嗎？
仲話問外家借錢買樓？！以為唔洗還嗎？

我老公都叫有能力既，不過就會用左大部分積蓄，佢唔想姐，咁錢係佢既，我又無錢，的確無得迫，但係我都唔想，如果我係有計劃咁快結婚生仔，我都會慳啲洗，努力儲錢，但係依家太突然。假設我老公無積蓄，我都可能寧願租樓，慳啲洗，比個仔有個可以學識獨立成長既地方。
托兒所係咪要排好耐架，不過我諗我老公同99都唔會同意，始終又請左工人照顧。

私人傳訊

Natalie625

子爵府

積分: 13141

12^#

發表於 18-8-6 09:58 |只看該作者

kittycheung622 發表於 18-8-6 09:38
我都希望我個仔會好似所個仔咁，但係我仲好怕我99會好似縱我老公咁縱我個仔，咩都幫佢做，唔會比佢試下自 ...

本帖最後由 Natalie625 於 18-8-6 10:01 編輯

不過依家唔係你話慳就得，係你老公唔肯，你要同佢傾，你老公本來係儲蓄型突然冇曬又確係冇乜安全感，BB仲係好細，你仲有時間儲返D，向你老公表示買樓決心。

淨係一個工人基本搞唔掂個B同家務，等大少少先搬都係好事黎既，加油，媽媽唔易做。
呢段時間仲要教好個工人，因為有工人都會為求小朋友唔好扭計而千依百順。

私人傳訊