吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 濕濕碎碎，同Bruce生活的癲佬情趣

夫婦情感今日: 19|主題: 42445

收藏本版

發帖

返回列表

跳至頁

樓主: oguh

3 456 7...59

積分: 13744

81^#

發表於 12-8-5 10:14 |只看該作者

引用：真係叫的話，我諗我唔識反應 +

原帖由 oguh 於 12-08-05 發表
真係叫的話，我諗我唔識反應

你會唔會扮嘢唔應

私人傳訊

chu.c9

男爵府

積分: 7134

畀面勳章

82^#

發表於 12-8-5 12:31 |只看該作者

回覆：濕濕碎碎，同Bruce生活的癲佬情趣

樓主，我宜家會為左睇你嘅新post而入夫妻版，真係勁鐘意你地，睇到Bruce「賴屎」果part真係忍唔住笑出黎，佢會唔會又嬲你爆佢啲魚事影響佢形象呀

感恩

私人傳訊

oguh

子爵府

積分: 11575

83^#

發表於 12-8-5 12:44 |只看該作者

judymama 發表於 12-8-5 10:14
你會唔會扮嘢唔應

好提議，等我練習下點扮傻先

私人傳訊

oguh

子爵府

積分: 11575

84^#

發表於 12-8-5 12:44 |只看該作者

chu.c9 發表於 12-8-5 12:31
樓主，我宜家會為左睇你嘅新post而入夫妻版，真係勁鐘意你地，睇到Bruce「賴屎」果part真係忍唔住笑出黎， ...

多謝，但我真係好想爆佢衰野

私人傳訊

Luv-em

子爵府

積分: 14880

玩具勳章冬日勳章畀面勳章

85^#

發表於 12-8-5 12:45 |只看該作者

回覆：濕濕碎碎，同Bruce生活的癲佬情趣

我睇到佢塞左要退的底衫入個電腦袋，笑鳥！
雖然Selina好似覺得Bruce挑剔麻煩，不過睇得出你地好sweet！

私人傳訊

oguh

子爵府

積分: 11575

86^#

發表於 12-8-5 12:45 |只看該作者

「我真係好有品味。」

如果JM一直有睇開我既post，應該都會知Bruce係偏執狂，對於佢相信、佢鍾愛既野，佢一定一定要維持落去，唔準破壞佢既規矩，佢既高標準世界。佢所有既衫，都係經佢精心挑選，係香港、海外「收藏」而來，就算係「平時著」既家居服，佢都可以講出果件衫既牌子，背後有咩來頭、有咩故事、用咩質料，佢一眼就睇到咩cutting襯自己，每一套西裝、每一對皮鞋，一定係訂造。佢覺得越講究，就越突顯佢有品味，但正常人，見你著住一件五萬蚊既皮外套，都可能當你係五千蚊。

而佢整個衣帽間，只有黑、白、灰、深藍及少量軍綠色既衫褲鞋襪，永遠都唔會著啡色、卡其色同其他鮮色。

有次我想試下佢，買左一條好靚既薄荷綠領帶，偷偷地放係佢衣櫃睇下佢發唔發現。

好快佢發現左，問：「點解送呢隻色比我？你係咪Selina黎架？定係外星人扮佢？」一D面都唔比我。

我：「你可以試下其他顏色呀，悶蛋！」

佢：「咁你對住我悶，又會唔會試下其他老公？」賜佢一巴掌。

最後，我拿了去舊衣回收，佢都無留意。好彩係一條領帶，如果我係送架車比佢，咁就浪費多D喇。

有次，佢送左一條鮮紅色既連身裙比我。我見到，唔知咩反應好，無錯，Valentino既紅色係好靚，但平時真係唔係好敢著出街。

我：「你知唔知我地中國人有個傳說，著紅色衫自殺，會化身厲鬼。」

佢：「係咪電影裡面跳下跳下果D？」

我：「果D係疆屍，厲鬼係著住紅衫好恐佈既鬼。」

佢：「咁你著左又唔係去自殺，你怕咩者？條裙好靚架，唔好浪費呀。」

我都多謝左佢，將條裙收好，諗住過一排佢會唔記得，然後遲D我搵機會捐左去。但Bruce真係好心思細密，自從佢送左條裙比我，我地一有D飯局或party，佢唔見我著，佢就會問點解唔著果條紅裙呀？你著起會好好睇架。次次都問，終於有次我頂唔順佢，著左出去，但加左一年黑色西裝外套出面遮住，同埋襯左對黑皮boot，減輕「厲鬼」感覺。

佢終於一償心願，好滿足望住我話：「我果然無買錯，我真係好有品味，你睇你幾靚。」

我總係覺得，佢送野比我，只係為左證明自己有品味。人地讚我，佢take all the credit

點評

kawai120 sweet 發表於 12-8-16 18:11

Lucy30

發表於 12-8-10 00:04

alicealice313

發表於 12-8-9 16:09

chrischo2002

發表於 12-8-8 13:31

mw2012

我c6 都係穿白,藍色,灰色,卡其色...可以同你c6做朋友~~~

發表於 12-8-5 13:15

私人傳訊

kokoalex

大宅

積分: 4856

好媽媽勳章

87^#

發表於 12-8-5 12:50 |只看該作者

笑死

私人傳訊

hilewo

伯爵府

積分: 15699

88^#

發表於 12-8-5 13:01 |只看該作者

EQ低d都比你個bruce激死!

私人傳訊

sweetieyuki

侯爵府

積分: 22284

89^#

發表於 12-8-5 13:11 |只看該作者

引用：「我真係好有品味。」如果JM一直有睇開我既

原帖由 oguh 於 12-08-05 發表
「我真係好有品味。」

你幾個post我都睇曬，今次忍唔住留言，「係咪外星人扮佢」個part好好笑，寸到震！

私人傳訊

柏架山莊

珊瑚宮

積分: 119442

育兒性格勳章我的育兒心得勳章 hashtag旅遊勳章畀面勳章大廚勳章 BK Milk勳章 hashtag影視迷勳章

90^#

發表於 12-8-5 13:25 |只看該作者

回覆：oguh 的帖子

有哩d過敏問題真唔好受

私人傳訊

chowchow2012

子爵府

積分: 10996

BK Milk勳章

91^#

發表於 12-8-5 13:50 |只看該作者

回覆 oguh 的帖子

紅色連身裙, 新年着OK呀~~

私人傳訊

chu.c9

男爵府

積分: 7134

畀面勳章

92^#

發表於 12-8-5 14:25 |只看該作者

引用：Quote:原帖由+oguh+於+12-08-05+發表「我真

原帖由 sweetieyuki 於 12-08-05 發表
你幾個post我都睇曬，今次忍唔住留言，「係咪外星人扮佢」個part好好笑，寸到震！:excit ...

我都引唔住笑，Bruce真係好搞笑，唔知係咪睇得周星馳多呀，外星人扮都畀佢唸到

感恩

私人傳訊

貝媽

大宅

積分: 3467

93^#

發表於 12-8-5 14:33 |只看該作者

回覆：濕濕碎碎，同Bruce生活的癲佬情趣

咁你對住我悶，會唔會試下其他老公？ wahahaha 好句好句

點評

mstonana

發表於 12-9-6 15:51

私人傳訊

oguh

子爵府

積分: 11575

94^#

發表於 12-8-5 14:39 |只看該作者

初到貴景（一）

Bruce佢識我之前，完全未去過中國或香港，佢去亞洲最遠就係去過印度。對於佢來講，中國或香港，只係旅遊節目見過。

香港定居，我地要先搵屋住。我話先租住，然後等佢一齊都settle down，先買。

好，對「住」有十萬九千個要求既Bruce，要搵一間佢肯住既屋，真係好難。

同佢一齊睇左好幾間選擇，佢一係嫌樓底唔夠高，就係嫌無風景，嫌太高／太低層數，嫌地點唔夠方便，嫌附近太嘈，嫌人地裝修老土，嫌鄰居樣衰（佢自己咩料呀！），嫌人地無中央冷氣，去到一個地步，我問佢，你到底係咪唔想係香港住？你知唔知我已經select過先同佢一齊去睇，係香港黎講已經係好好既居住環境架喇，同埋我講左十萬九千次，我地只係「暫時性」住，又唔係住過世。

終於，搞左一輪，佢揀到喇，好似人地揀千億新抱咁。

然後，佢將佢部份係倫敦傢俱運過來，當日搬運傢俱時，Bruce突然慘叫一聲，好似心臟病發咁，嚇到我即刻去睇下佢咩事，見到佢跪係地上面，以為呢位人兄真係心臟病發（成日食垃圾食物，令我擔心！）點知原來係其中一張古董木書桌在運送途中發生意外，來到香港時隻腳裂左，佢抱住隻書桌腳嚎叫同爆粗：「X%U##%@(%*!&%!!! 點解！！！點解會咁！！！」

然後佢360全方位幫佢檢查有無其他問題，好似醫生咁認真檢查但一路爆粗，心痛無比，因為呢張古董書桌只此一張，而佢話佢好多重要決定，都係坐係呢張桌前思考決定。一輪呼天搶地慘叫之後，佢同負責運輸既公司電話上展開漫長罵戰，鬧到面都紅，佢唔係要倍償，佢已經買晒保險，佢要人地道歉，但人地一早同佢簽約講明總有風險，公司唔會負責，佢話佢會飛返去倫敦搵佢地，唔會就咁算數。有時我真係驚佢會被人告佢恐嚇。

運完部份傢俱，到買新既傢俱。

同佢每日都留連鴨利洲、黃竹坑、灣仔同中環，行行行，睇睇睇，攰到我無晒心機，因為我腳骨力真係唔好，同埋我唔想煩，你快D決定咪得囉。

佢去到又好似驗屍咁驗，問呢樣果樣，問到人地都唔識答，行返出店時，「妙嘴妙舌」咁話人地唔識野，點幫襯佢。我心諗，人地都唔想做你生意啦，大哥，你咁煩。

買傢俱期間，Bruce又要搞運佢D車過來。

車又係佢另外既命根，我夠膽講句，我同架車跌落海，Bruce會救架車先。搞緊運車時佢緊張到失眠，有時我真係覺得有必要同佢去睇心理醫生。有D車佢留係英國，或賣出去，但有兩架佢叫「Baby」同「Darling」既命根車佢想運來香港，Darling係古董車，無得賣，但架車太舊又唔知係香港出唔出到牌，Baby係限量版跑車，香港買唔到，佢堅持要運過來，然後搞呢樣果樣，搵A公司定B公司運，煩到佢爆。兩架車來到都無事，但佢一星期後，揸住架Baby竟然自己炒左。花左幾十萬去運車，結果只係用左一星期。

車炒左，好彩人無事，我嚴禁Bruce以後再開跑車開快車，要佢買架舊mini cooper最快開到100算，開頭佢應承我，真係買左一架（我地係英國都有架送左比人，當年我成日揸）但之後又自己同車廠買架新跑車，佢話唔比佢買車，等如唔比我買鞋，太唔人道。但我著鞋危險D，定係你開快車危險D呢？

有時真係無佢乎。

私人傳訊