烹飪搵食 今日: 4 | 主題: 139004

積分: 1873

1^#

發表於 15-10-8 22:47 |只看該作者 |倒序瀏覽 |打印

麵包機出現之前人們無需太精準的份量都一樣可以手制出一份份的麵點，但習慣佐乜都制式化的現代人似乎無佐一個準確的食譜，面對食材反而變得無從下手。所以科技簡化佐生活的同時，似乎漸漸令人類失去思考與探索的本能。
再重申一次，我嘅食譜無精準的標準份量提供。請大膽嘗試，失敗過請先搵原因再嘗試，唔好一下就否定佐自己嘅思考能力，學習嘅過程從來不是直接睇參考書而得出標準答案咁簡單，大膽假設，小心求證適用於任何一件事，包括煮食。

幾年前POST過一篇文，有好多朋友問點樣搓麵粉。

今日整少少包餅，咁就順手影埋。

基本上如果整少少，熟手嘅話，三分鐘之內已經可以完成。

手制嘅好處係隨時隨地話整就整。

因為整少少份量，所以麵粉一碗仔，糖一茶匙左右，乾依士（乾酵母）三分一茶匙左右，油（煮餸用嘅花生油，隨手拎就係，可以用任何油）簡單四樣材料就已經可以整到發酵麵團。

材料落完，落水。

裝麵粉嘅同一個碗，先入大約半碗水。

將水倒入麵粉。

因為我依次用高筋麵粉，食水較深，所以水可以大膽落，如果用低筋麵粉水要更謹慎地落。

一邊落水一邊用手攪勻水同麵粉，攪到如下圖所示，略呈綿絮狀即可~~

如果覺得太乾好難搓到一個麵團，咁就再落多啲水，無難為自己，太乾真係好難搓。

一唔小心，落多佐水？痴身痴世，勁難搓，咁就表示太濕。

咁就再落啲粉，吸走啲水，睇下係未易搓佐~~~

唔洗配合天時地利人和咁複雜，只要大約配合到粉同水嘅緣份，幾下手勢就可以將麵粉搞掂。

求其搓成一舊，得架喇，唔洗諗得太複雜，變成一舊就一定得~~~

如果係想第二日朝做早餐，咁就搓好如上圖咁就直接擺入雪櫃一晚，如果即時整即時想食，咁就室溫下發酵大約一小時。

理論上如果成功的話，果一舊麵團會變大到你一睇就知道佢真係變大佐。

之後嘅事就海闊天空任你玩。

搓麵粉絕對唔係咩絕世武功，基本上屬於功多藝熟的一件事，都係果一句，大膽啲去馬先喇~~~

搞得掂搓麵粉，就大把世界可以玩盡佢~~~

譬如：牛油香草蒜香包

用嘅基礎發酵麵團，（即係上邊果幾張圖片所講嘅就係基礎發酵麵團）

可以再配合睇埋我之前果篇所講嘅少少發酵麵團「請點擊依幾個字」

一細舊仔，搓扁，均勻地擦上牛油

補充下，依次係用已經發酵過嘅麵團嚟整。

擦佐牛油，磨少少香草蒜鹽係麵頭。（阿乜屋買嘅，味道幾好）

因為麵團已經發酵完成，但搓扁佢嘅過程，無佐空氣，所以造好型，要再等多大約十分鐘等佢再透下氣，咁就可以煎焗蒸煮隨君鐘意。

我用坑紋PAN嚟煎，因為坑紋托起麵粉個底形成一個空氣流通嘅作用，會有類似烤焗咁嘅效果。

麵身較薄身，我就用佐細火慢慢烘。

400火焗佐6分鐘。（我用電陶爐，最盡火係2200火）

6分鐘基本上全熟。

因為只係烘佐底一邊~

所以熄佐火，翻面再烘多三十秒，等牛油香味出一出嚟。烘太耐蒜鹽容易變苦，所以略略幾十秒烘一烘就夠。

超快手，好好味嘅一款下午茶小點就搞掂~~~

個底好脆架，但面頭其實好鬆軟~~~

阿仔整幾個厚身啲嘅煎俾佢。

都係用基礎發酵麵團整。

較厚身，所以需時較長，中細火焗佐十二分鐘

一塊芝士，炒個蛋~~~

一夾，午餐搞掂，小朋友一次可以食兩份~~~

早餐如果係咁樣嘅包包，切開，擦花生醬同奶，細佬大人都鐘意~~

包餡亦得~~~

菠菜芝士餡如何~~~

又係焗~~~

一樣，中細火十二分鐘。

小朋友嘅午餐一樣咁搞掂~~~

一包麵粉，可以有無數變化，超好玩~~~

點評

yyoouu

發表於 15-11-14 18:15

122510

發表於 15-10-9 10:51

0 1 0

私人傳訊

icarusy831

積分: 1796

爸B勳章

2^#

發表於 15-10-8 22:50 |只看該作者

回覆：手搓麵粉詳細圖解+牛油香草蒜香包

私人傳訊

elisewaiman

水晶宮

積分: 57870

2024年龍年勳章 2024勳章 2023年兔年勳章虎到金來勳章牛年勳章

3^#

發表於 15-10-8 22:56 |只看該作者

私人傳訊

Sugarpink

積分: 17300

4^#

發表於 15-10-8 23:02 |只看該作者

回覆：手搓麵粉詳細圖解+牛油香草蒜香包

每日都咁開心!!!

私人傳訊

TSUNTINGMA

積分: 5713

5^#

發表於 15-10-8 23:37 |只看該作者

圖文並茂！簡單易明！
聽日去買埋包乾酵母就去試整下！

請問係數字屋果D韓國粉，包裝面係麵包圖即係咪高筋麵粉？
酵母粉有冇介紹？

私人傳訊

Leung2010

積分: 6411

hashtag影視迷勳章

6^#

發表於 15-10-8 23:42 |只看該作者

5收藏就走宝啦!

私人傳訊

ksviola

積分: 19410

虎到金來勳章畀面勳章

7^#

發表於 15-10-8 23:56 |只看該作者

回覆：手搓麵粉詳細圖解+牛油香草蒜香包

一定會試， thx

私人傳訊

kenstin

積分: 17931

大廚勳章畀面勳章

8^#

發表於 15-10-9 00:05 |只看該作者

但我覺得既然屋企有個電子磅，何不做個精准啲既現代人，你可能睇得鬼老整麵包多，查實距地真系好求其，尤其系上網教人個揸人，為左要顯示整包有幾容易，仲專登整得求其啲，什麼5分鐘搞掂，大把人買距地既書，發到豬頭甘，但我相信唔多啱香港人既口味，我就不敢恭維了。
我的第一個麵包是免揉包，出爐個時感動過一陣，宜家你送比我都唔食。

點評

andyman

發表於 15-10-9 02:27

私人傳訊

kenstin

積分: 17931

大廚勳章畀面勳章

9^#

發表於 15-10-9 00:11 |只看該作者

話時話，你個包好似麥記豬柳蛋漢堡個包甘，這類包可以講得話唔使搓，單用autolyse就已經大致可以形成筋膜，如果喜歡這種質感，大可以跟你做這類英式早餐包。

點評

andyman

發表於 15-10-9 02:27

私人傳訊

sinfat

積分: 7029

10^#

發表於 15-10-9 00:19 |只看該作者

回覆：手搓麵粉詳細圖解+牛油香草蒜香包

好勁呀，唔洗用焗爐

私人傳訊

kayer

積分: 5348

11^#

發表於 15-10-9 02:16 |只看該作者

回覆：手搓麵粉詳細圖解+牛油香草蒜香包

咁樣整只適合剛剛出爐既時候食，隔一日後就好硬，不過我見樓主都係即刻整即刻食，應該無問題！

私人傳訊

andyman

翡翠宮

積分: 82376

2018復活節勳章認識瑞士牛牛第一回玩具勳章畀面勳章大廚勳章 BK猜猜猜慶中秋 BK Milk勳章

12^#

發表於 15-10-9 02:22 |只看該作者

本帖最後由 andyman 於 15-10-9 02:23 編輯

鬼佬包唔多 Like

但樓主的方法不失為入門好開始.........圖文並茂

一杯香茗，一卷書，偷得半日閒散；一抹斜陽，一壺酒，願求半世消遙。

私人傳訊

miu1998

積分: 3774

13^#

發表於 15-10-9 05:43 |只看該作者

回覆：手搓麵粉詳細圖解+牛油香草蒜香包

Thx sharing!

私人傳訊

sumlam

珍珠宮

積分: 35137

好媽媽勳章

14^#

發表於 15-10-9 06:08 |只看該作者

回覆：手搓麵粉詳細圖解+牛油香草蒜香包

正，之前跟過樓主整芝士餅仔，快靚正，老公大愛

今次新食譜必試，最愛呢類快靚正食譜

點評

EVA12478

發表於 15-10-9 10:28

自由.自由,多少罪惡假汝之名以行

私人傳訊

積分: 1873

15^#

發表於 15-10-9 10:19 |只看該作者

回覆 TSUNTINGMA 的帖子

圖文並茂！簡單易明！
聽日去買埋包乾酵母就去試整下！

請問係數字屋果D韓國粉，包裝面係麵包圖即係咪高筋麵粉？
酵母粉有冇介紹？

因為早排數字屋嘅高粉有超抵價11蚊包，入佐幾包，所以依排都係用高粉整包包~~~酵母粉我係百佳買理想牌，用佐好多年，無失望過~~~值得推介~~

私人傳訊

積分: 1873

16^#

發表於 15-10-9 10:23 |只看該作者

回覆 kenstin 的帖子

但我覺得既然屋企有個電子磅，何不做個精准啲既現代人，你可能睇得鬼老整麵包多，查實距地真系好求其，尤其系上網教人個揸人，為左要顯示整包有幾容易，仲專登整得求其啲，什麼5分鐘搞掂，大把人買距地既書，發到豬頭甘，但我相信唔多啱香港人既口味，我就不敢恭維了。
我的第一個麵包是免揉包，出爐個時感動過一陣，宜家你送比我都唔食。

講來好笑，我咁大個人一次麵包都未試整過，因為屋企無代步工具幫我搓麵粉，我自己唔想咁辛苦搓到起筋，或者遲下我都會挑戰下自己整麵包，免揉麵包我都整過，試佐一啖真係整個掉得~~~

私人傳訊