吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 火星JM來為自己正面打打氣

國家地區媽媽會今日: 0|主題: 20237

收藏本版

回覆發帖

返回列表

跳至頁

樓主: rose-mag

34 353637 38...42

積分: 4393

701^#

發表於 21-9-27 10:25 |只看該作者

rose-mag 發表於 21-9-23 15:37
bibigo韓國迷你餃子減價時好抵買，我地覺得好食，快熟味道又幾好，加埋減價，一定買兩三包睇門口，煮麵或 ...

我個仔都好鍾意食嗰隻迷你餃子，我係當鍋貼咁煎，佢幾歲人仔細細隻啱佢食。
我之前去過加州灣區vacation，去完Costco帶左好多嘢番來TX，有好多亞洲嘢都係我這裡冇嘅。買了蛋黃酥，帆立貝零食，鹹蛋黃魚皮等，不過最近這些零食已賣到TX了。蛋黃酥八個賣十六、七元，我在99大華見到同一盒貴多$10。我也見到有巨形一支LKK金裝蠔油，XO醬，也有美極，我見佢嘅份量同價錢應該比唐人超市平一半！
我也有executive membership，計2% rebate即係要買$3000一年才回本$60。如果有需要買電器傢私就好容易，以前book vacation係會有extra rebates所以有用。今年應該回唔到本。

私人傳訊回覆引用

rose-mag

王國長老

積分: 171790

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

702^#

發表於 21-9-27 12:47 |只看該作者

muffinmama 發表於 21-9-26 18:25
我個仔都好鍾意食嗰隻迷你餃子，我係當鍋貼咁煎，佢幾歲人仔細細隻啱佢食。
我之前去過加州灣區vacation， ...

個蛋黃酥我食過，上年有人送咗兩盒俾99，佢俾咗一盒我，食咗好耐至清晒，因為唔係個個鍾意食，有人唔食鹹蛋黃，有人嫌蓮蓉甜，好難服侍，所以最好方法就係唔買。

我入果個谷，有幾個活躍份子每次rebate幾百蚊至過千都有，當然佢地好強，買床到雪櫃電腦手機～有人甚至係十盒八盒咁買同一樣嘢，好似汽水、廁紙、肉等。我每次去都係駛100樓下，除非買魚買肉同日用品小電器，咁真係要個個星期去至會抵得番個會費。

花旗太太生活在花旗國，留意時差，你問我未必即時答到。

私人傳訊回覆引用

眼訓

子爵府

積分: 14621

環保接龍勳章大廚勳章

703^#

發表於 21-9-27 12:56 |只看該作者

rose-mag 發表於 21-9-23 13:19
如果屋企人唔係多的話，Costco會籍未必好用，我係老公以前有自己生意，於是有個會籍，婚後有兩個BB，尿片 ...

對上一次入呢d wholesale club起碼係8年前嘅事lu。想用天然環保d嘅產品，Costco選擇唔多。整整吓就冇乜嘢好買。而家有冇多咗就唔知啦。我parents同親戚share一個membership。我地冇嘢要，搞到得返佢地自己蒲Costco。仲keep住個會籍叫多個地方行街咁囉。佢地都有買paper towels嗰d嘅。。。

而家我想再環保d，盡量買d少膠少包裝嘅嘢。洗頭水護髮素我啱啱試緊ethique嘅concentrate。佢一小舊番梘咁賣俾你。自己用滾水沖開。用嗰時係有d唔慣，唔多泡泡，同埋味道略嫌太天然。不過用後覺得頭髮都滑，所以可以繼續相處了解吓先。

你今日backup左未？

私人傳訊回覆引用

rose-mag

王國長老

積分: 171790

704^#

發表於 21-9-29 03:52 |只看該作者

眼訓發表於 21-9-26 20:56
對上一次入呢d wholesale club起碼係8年前嘅事lu。想用天然環保d嘅產品，Costco選擇唔多。整整吓就冇乜嘢 ...

你又冇講錯，好多人去Costco當行街，我入果個谷嘅幾個admins成日話去巡舖。我識人做銀行，佢地話有D客個個星期去行度，邊有咁多錢搵咁多嘢搞，其實都係當一種消遣，疫情最初，佢地勸D上咗年紀嘅客冇事唔好去行，一來唔知邊個帶菌，二來佢地要控制人流，班客唔走，其他真係有需要去銀行辦事嘅就不得其門而入，有客話街又冇得去，餐館又冇得入，佢地好悶，唔想困喺間屋度，唉～

由上年到而家，我對環保都唔單眼開單眼閉，以前去買外賣可以自己準備食盒，而家唔得，送餐嘅又要分開好汁/湯/醬同食物，一個外賣分咗幾個大盒細盒，又驚倒瀉，於是又幾個袋，上年去超市唔俾自備袋，於是又有好多膠袋，而家可以自己帶袋，我就循環再用之前嘅膠袋膠盒，本身我地已經轉手玻璃飯盒同購物袋好耐，而家突然多咗好多膠盒膠袋。講起番梘，一向都係去農夫市場買手工梘，果檔以最少包裝去賣，我成年幾冇去過，都係靠之前買落嘅架貨同網購，講起網購又係一大堆紙盒同包裝物，可以用嘅都再用，但真係多到冇地方放。

花旗太太生活在花旗國，留意時差，你問我未必即時答到。

私人傳訊回覆引用

rose-mag

王國長老

積分: 171790

705^#

發表於 21-10-9 07:45 |只看該作者

大家最近有冇去囤廁紙同樽裝水呀？救命，有人去Costco買嘢，見到廁紙貨架同樽裝水位置空晒，問都冇問又傳言叫親戚朋友去囤貨，跟住見到廁紙口罩有限購，又話美國物資短缺，喺FB、Whatsapp等平台加通訊谷廣傳，於是上星期我去Costco，未開門已有條最少三十人嘅人龍，一開門就湧入去，幸好大家非常有秩序，非常有禮貌。

店內冇空貨架，樣樣嘢都有，油站有油入，店內有廁紙在口罩有水，後來我地要去renew membership，我老公問工作人員，佢話只係一時補唔徹貨，事實係疫情以來，司機需求大，大貨車司機因為網購同物資需求比之前大，工作量多咗，而大貨車牌唔係人人有，就算俾多D人工去請都唔會咁容易請，加上揸大車要經驗，考到牌都要累積工時同經驗，職員叫我哋唔好聽人講，佢地冇缺貨，只係補貨慢D，限購都係為咗令個個會員都買到嘢，而且限購已非今日嘅事，疫情開始時都有限米限廁紙限口罩。。。

花旗太太生活在花旗國，留意時差，你問我未必即時答到。

私人傳訊回覆引用

vwmama_FB

別墅

積分: 928

706^#

發表於 21-10-14 05:30 |只看該作者

rose-mag 發表於 21-10-9 07:45
大家最近有冇去囤廁紙同樽裝水呀？救命，有人去Costco買嘢，見到廁紙貨架同樽裝水位置空晒，問都冇問又傳言 ...

咁你喺Costco有冇見到有機全脂牛奶？我最近行幾間超市冇晒我仔飲開果隻牛奶:( 搞到我逼住買左2%

私人傳訊回覆引用

rose-mag

王國長老

積分: 171790

707^#

發表於 21-10-14 06:11 |只看該作者

vwmama_FB 發表於 21-10-13 13:30
咁你喺Costco有冇見到有機全脂牛奶？我最近行幾間超市冇晒我仔飲開果隻牛奶:( 搞到我逼住買左2%
...

Horizon果隻？我冇留意，而家我地飲Oat milk/Almond milk多，我整麵包都係用呢D整，不過可能又係因為供應鏈有問題，Target都冇？下次試下問下店員，我老公好鍾意八卦問嘢，有時發現唔少有趣嘢，例如佢地嚨員工福利、幾時補新貨、幾時有特價貨。。。屋企附近果間Safeway逢星期六一早就有D半價嘢賣，有時係就過期要促銷，晏去就唔會見到，見過2個幾一塊薄牛扒（當然唔係大塊）、5蚊一包pasta kit（夠兩至三個人食）。

花旗太太生活在花旗國，留意時差，你問我未必即時答到。

私人傳訊回覆引用

vwmama_FB

別墅

積分: 928

708^#

發表於 21-10-14 11:10 |只看該作者

rose-mag 發表於 21-10-14 06:11
Horizon果隻？我冇留意，而家我地飲Oat milk/Almond milk多，我整麵包都係用呢D整，不過可能又係因為供應 ...

係呀 horizon果隻:) 我都係飲almond milk(emoji), 我麻麻地牛奶，好呀唔該晒你，我下次問吓佢哋先

私人傳訊回覆引用

天天天藍

男爵府

積分: 6020

709^#

發表於 21-10-30 21:29 |只看該作者

本帖最後由天天天藍於 21-10-30 21:31 編輯

..

私人傳訊回覆引用

rose-mag

王國長老

積分: 171790

710^#

發表於 21-11-9 06:49 |只看該作者

就到感恩節，自從老爺幾年前走咗後都冇點正式，我老公其實都幾注重感恩節同聖誕節，佢話今年要整番個感恩節大餐，但冇人好鍾意食火雞，我更加唔想搞果隻十幾廿磅大雀，整足幾日，當日又焗足大半日，之後必定要食足一個星期，日日諗點樣清咗個隻大雀。。。上年原本想訂Costco個感恩節餐，據聞唔錯，但上年好快賣晒，今年老公心心念念，好快落咗單，果然好快就話out of stock，但今個星期就送貨，要放冰廂兩個星期至食，我其實麻麻地，不過老公想試下，又唔駛我搞幾日，由得佢啦。我老公又好唔湊米氣問個女想食咩過感恩節，我女問個老豆：Can we have Chinese food?

個餐有
2 塊 2.5 lbs. Ready-to-Roast Turkey Breast
2 lbs. Roasted Baby Bakers
2 lbs. Roasted Sweet Potatoes
3 份 12 oz. bags (36 oz. total) MicroSteam Whole Green Beans
1 份 36 oz. Super-Sweet Corn
18 個 2.2 oz. Southern-Style Biscuits
1 個 9 in. Traditional Pumpkin Pie
1 個 10 in. Old-Fashioned Apple Pie
1 盒 56 fl. oz. Classic Vanilla Ice Cream

其實好似冇咩肉食，諗緊不如加牛肉/豬扒或海鮮，另外兩個批咁多，駛唔駛又蘋果批又南瓜批？其他青豆、薯仔、蕃薯、粟米可以慢慢食。

花旗太太生活在花旗國，留意時差，你問我未必即時答到。

私人傳訊回覆引用

眼訓

子爵府

積分: 14621

環保接龍勳章大廚勳章

711^#

發表於 21-11-9 23:58 |只看該作者

本帖最後由眼訓於 21-11-10 00:06 編輯

rose-mag 發表於 21-11-9 06:49
就到感恩節，自從老爺幾年前走咗後都冇點正式，我老公其實都幾注重感恩節同聖誕節，佢話今年要整番個感恩節 ...

今年我地會照舊整whole turkey呀。10-11個大人，訂咗隻12-16lb嘅火雞，睇吓到時pickup佢有咩俾我。會傳統roast，但會spatchcock佢。

我另外整多兩個side: pomme anna同shaved Brussels sprouts salad with pomegranate and bacon。親戚會帶多兩個side。

到嗰日我淨係開個焗爐就搞掂晒所有嘢。薯仔同Brussels sprouts用個food processor片佢，3分鐘嘅功夫。

甜品會買屋企附近間bakery嘅mini tart。佢好多款全部都好好食㗎

。唸住果仁類x3，生果類x3，朱古力/cream類x2，共8件，到時再切，每人可以每樣試一啖。其實平均每人有0.8個食，都唔知食唔食得晒。空肚食一整件已經飽晒。

有剩嘅用返d take out container靚靚地pack好一份份lunch。自己留起d火雞平時煮個麵放幾舊。人人都會拎d返屋企，實行divide and conquer，其實都OK嘅。始終覺得咁多人坐埋一齊食，whole turkey係開心好多。火雞出爐啦！個個都走過來搶雞皮食。

你今日backup左未？

私人傳訊回覆引用

rose-mag

王國長老

積分: 171790

712^#

發表於 21-11-10 00:59 |只看該作者

眼訓發表於 21-11-9 07:58
今年我地會照舊整whole turkey呀。10-11個大人，訂咗隻12-16lb嘅火雞，睇吓到時pickup佢有咩俾我。會傳統r ...

如果有你地咁多人食，我又唔介意整大餐，只係而家得我地一家四口加99，疫情就更加唔會叫extended family同朋友，5個人訂個夠8人食嘅餐，我見到都頭痕，好在個餐都好多嘢係可以放嘅雪櫃一排都仲OK，覺得最難解決係果兩個批，一向全家都麻麻老外嘅口味，我自己整蘋果批係少糖少牛油，而家仲要兩個批，到時叫老公拎D番公司同同事分嚟食；之後整多個意粉同我父母又食多一餐。

今年黑五同Cyber Monday都冇咩嘢想買，消費意慾低，只係要買番個多士爐，而家果個一次過烘4塊麵包，有一邊壞咗，兩塊多士只烘到一面，另一面係完全冇烘過，有時又過燶，用咗好似兩年幾，用公司員工積分換，睇下有冇個好少少又唔太貴嘅。另外我個instant pot壞咗，有時存唔到氣，變成要煮好耐，因為要時不時睇下排氣口個蓋有冇彈起咗排氣，試過配過零件，但都係唔多得，而家反正唔太貴，等黑五或者Cyber Monday執個新嘅，而家出埋氣炸功能添。

花旗太太生活在花旗國，留意時差，你問我未必即時答到。

私人傳訊回覆引用

ivyscyip

伯爵府

積分: 18075

好媽媽勳章

713^#

發表於 21-11-10 02:12 |只看該作者

rose-mag 發表於 21-11-10 00:59
如果有你地咁多人食，我又唔介意整大餐，只係而家得我地一家四口加99，疫情就更加唔會叫extended family同 ...

我今年10個人係我屋企，其中兩個係小朋友（我個兩個已經唔細）。我諗住訂whole food個4人whole turkey meal ，我媽買ham，再加下煮啲Mac n cheese , pie, vegetables等等⋯⋯我唔想剩太多

私人傳訊回覆引用

眼訓

子爵府

積分: 14621

環保接龍勳章大廚勳章

714^#

發表於 21-11-10 03:09 |只看該作者

rose-mag 發表於 21-11-10 00:59
如果有你地咁多人食，我又唔介意整大餐，只係而家得我地一家四口加99，疫情就更加唔會叫extended family同 ...

我地冇理疫情好耐了。夠資格嘅打晒第三針。細嘅返學。大嘅有d都要返office。有時禮拜尾都會一齊去飲茶。其實同平時冇乜分別。不過當然每家做法唔同。係早排搞馬拉松就真係少咗出街了，有咁多其他省人來周圍走，又冇強制參賽者打針，又唔知佢地會唔會來發癲。參賽者都話會強制檢測啫，咁來觀賽嗰d係乜都唔洗㗎喎。

Black Friday我地都冇嘢好買。係舊年貪得意join咗bed bath and beyond個plus membership。舊年Black Friday佢做買$300送$100，即係買$400嘢打個75折。年中都隔兩三個月就做買$200送$50。係on top of everything 20% off。舊年就買咗好多日用品。如果我冇記錯，冇乜restrictions，即係你買部miele吸塵機都會送$100俾你。有d牌子平時係乜coupon都用唔到㗎嘛。有時做promo join個membership，佢會俾返$29coupon你。其實吼到又真係有嘢買，我覺得join得過。舊年買夠我今年都冇續了。

你今日backup左未？

私人傳訊回覆引用

rose-mag

王國長老

積分: 171790

715^#

發表於 21-11-10 07:04 |只看該作者

眼訓發表於 21-11-9 11:09
我地冇理疫情好耐了。夠資格嘅打晒第三針。細嘅返學。大嘅有d都要返office。有時禮拜尾都會一齊去飲茶。其 ...

我地打晒針，老人家直情排緊打第三針，總之有人唔想嚟就點都有籍口架啦，所以佢地咁講，我地就咁聽，幾個長老比較驚，往年我父母會去我6299度一齊過感恩節，姑仔一家又會到，呢兩年連電話都少。過節大棚人食飯當然開心好多，菜嘅款式都多D，得自己一家就簡單過就算，有時唔係我地唔想人地嚟或唔去人地屋企，只係個個人同家庭都唔同想法，要迎合晒所有人好攰。

D數字我冇睇好耐，已經冇咩大意義，唔驚得幾多，唔通成世唔出街唔開工唔返學，唯有自己做足可以做嘅措施，不過而家治安差咗，shopping malls打劫都拎鎗，都未計無端端喺街俾人打，所以我雖然應該11月1日就返公司，我申請延期，起碼到出年先再打算，到時如果OK就日日返，唔太OK就hybrid，而家我D同事都唔係每日都去公司，成層樓依然唔夠一半人出現。

花旗太太生活在花旗國，留意時差，你問我未必即時答到。

私人傳訊回覆引用