idayk 發表於 17-3-27 17:38
工咭要申請嗎?我以為好似在香港一樣有身份證(SS# @ US) 就可以上班(emoji)
...
呢邊身份証ID等同車牌(考到車牌要換過身份証,寫埋你個車牌幾時到期),每個州都有不同身份証,你搬去第二個州要去當地運輸署攞過一張身份証。工咭係社會安全咭(social security card),同香港嘅身份証類似,全國通行,每個人成世只有一張social security card,千其要放好,唔見咗係冇得補架,只會俾番一封信你,寫明你個social security number,當SSC咁用,我見過有個同事入職時話因為細個搬屋唔見咗張SSC,去補領就俾番一張A4紙佢。工咭好緊要,所有你嘅信用紀錄、工作紀錄、稅項都要呢個號碼,俾人盜用就超級麻煩,所以非必要唔會隨便講個SSN俾人聽架。
你land果陣過海關會幫你填表申請埋,正常係會直接寄去你屋企(即係你嘅美國本地聯絡地址,所以如果未搵到屋就要搵個靠得住嘅人嘅住址去收信),普遍話3個星期收到,但去到6個星期都有,亦有等極都唔見要自己去國安局再申請,所以唔好諗住嚟到就即刻返到工,身份証就真係要自己去DMV果度申請,好快有得寄俾你,綠咭就要4至5個星期至會收到,好多大公司如果冇合法身份証明文件係唔會俾你開工架,所以點都要有一定儲備金至好。
花旗太太生活在花旗國,留意時差,你問我未必即時答到。