飲茶的話睇你想食咩同budget，新唐人埠Richmond 區有幾間，其中好食但比較貴D嘅有一間叫俏龍軒Dragon Beaux, 5700 Geary Blvd San Francisco, CA 94121, http://dragonbeaux.com/，你由DT搭38號巴士好方便。另外有一間同區遠少少叫餘味館Feng Ze Yuan Restaurant，4401 Balboa St, San Francisco, CA 94121，38號巴士落車後要行兩條街，或者DT搭31號巴士，但班次冇38號咁密。另外有一間都幾出名，叫Hong Kong Lounge穗香酒家，5322 Geary Blvd., San Francisco, CA 94121，但呢間因為出咗名都幾大枝嘢，冇得訂位，閒閒地等半個鐘，嘢係好食嘅。
唐人埠就有兩間飲茶，一間叫樂陶苑Happy Chinese Restaurant，1326 Powell St, San Francisco, CA 94133，附近又有一間叫Lai Hong Lounge荔香，1416 Powell St, San Francisco, CA 94133，遲去要等位。呢兩間都唔算貴，地方叫做坐得OK價錢又唔係太貴。貴嘅又好食又靚就可以考慮兩間，一間叫Great Eastern Restaurant，649 Jackson St, San Francisco, CA 94133，總統嚟都去呢度食點心。另一間叫New Asia Restaurant新亞洲，772 Pacific Ave, San Francisco, CA 94133，非常大間，有飲茶有晚飯。其他有D地痞格局就唔介紹俾你啦，有大有細比較難搵位。
海味藥材舖咪去蟲草城，D價MARK到好高。有一間喺亞洲参茸藥材，1418 Stockton St, San Francisco, CA 94133，比較老實價。
大型超市？邊類型？中式？唐人埠Stockton St近亞洲参茸藥材有一兩間，另外Stockton St再行去DT方向都有，睇下你想買咩。再唔係你去開Richmond區飲茶，果邊有條街Clement Street，中式大超市有兩間，一間叫新美華Richmond New May Wah Supermarket，707 Clement St, San Francisco, CA 94118，一間叫聯興Lien Hing Supermarket，400 Clement St, San Francisco, CA 94118，兩間都賣好多亞洲嘢，食物醬料連拜神元寶衣紙都有。另外Sunset 區都有一間好大嘅叫新世界Sunset Supermarket，2801 Vicente St, San Francisco, CA 94116，係遠少少。
花旗太太生活在花旗國，留意時差，你問我未必即時答到。
發表於 
返回列表
